DAR YADAIWA KUSAMBAZA UGONJWA WA DENGUE MIKOANI

Ugonjwa wa homa ya dengue umeanza kusambaa kwa kasi mikoani ambapo sasa wagonjwa wapya 50 wamegundulika huku ikielezwa wengi ni waliotoka nao mkoani Dar es Salaam.Hayo yalisemwa jana mjini hapa na Mkurugenzi Msaidizi wa Huduma za Afya na Dharura, Wizara ya Afya na Ustawi wa 

Jamii Dk Elias Kessy.Alikuwa akitoa taarifa kwa Naibu Waziri wa Afya na Ustawi wa Jamii, Dk Steven Kebwe wakati wa kufunguliwa mafunzo kwa Waganga Wafawidhi wa Mikoa, Maofisa Afya, Wauguzi Wakuu wa Mikoa yote 

ya Tanzania yenye lengo la kukabiliana na mlipuko wa ugonjwa 

huo.Alisema mpaka sasa wagonjwa wapya 50 wamegundulika katika mikoa 

kadhaa nchini ambapo asilimia kubwa ya watu hao walikuwa wamesafiri 

kutoka jijini Dar es Salaam na kuingia na ugonjwa huo kwenye mikoa 

waliyokwenda.Alisema tangu ugonjwa huo uanze Januari mwaka huu zaidi 

ya watu 850 wameugua na wagonjwa wanne kati yao walipoteza maisha. 

Alisema jitihada zinaendelea kudhibiti kueneakwa ugonjwa huo.Alisema 

bado tatizo hilo ni kubwa na utafiti unaendeleana Wizara kwa 

kushirikiana na Bohari Kuu ya Madawa (MSD), wamekuwa wakisambaza vifaa 

na dawakwenye maeneo mengi nchini.Kwa upande wake, Naibu Waziri wa 

Afya alisema ugonjwa huo ni mpya katika ukanda wa joto. Alisema ni 

muhimu kujipanga kuhakikisha ugonjwa huo hauenei kama ilivyo 

sasa.Alisema kazi ni kubwa iliyofanyika katika kutibu wagonjwa 

waliogundulika lakini jambo la muhimu ni kuangalia suala zima la usafi 

wa mazingira."Tumekubaliana kupita nchi nzima kuangalia suala la usafi 

wa mazingira linapewakipaumbele, maeneo mengi yamekuwa na nyasi, 

madimbwi na hata matairi ambayo kwa kiasi kikubwa yamekuwa mazalia 

makubwa ya mbu kutokana na maji kutuama humo kwa muda mrefu," 

alisema.Alitaka wataalamu hao wa afya kusimamia vizuri suala la usafi 

wa mazingira na kuachana na tabia ya kufanya kazi kwa mazoea."Tiba 

pekee ya homa ya dengue ni usafi wa mazingira, wataalamu kwenye 

halmashauri walionehilo, tatizo hili liko mbele yetu tukiligeuza kuwa 

malaria ya pili litakuwa tatizo kubwa sana," alisema.Mganga Mkuu wa 

Mkoa wa Dodoma Dk Ezekiel Mpuya alisema hospitali ya mkoa ilipata 

kesi moja ya mtu aliyekuwa akiugua ugonjwa huo."Huyo aliyeugua alikuwa 

amekwenda Dar es Salaam kikazi na aliporudi akaanza kuumwa na kulazwa 

lakini alitibiwa na kupona na sasa hakuna mgonjwa tena hapa Dodoma," 

alisema. Washirikizaidi ya 70 wanahudhuria mafunzo hayo.Ugonjwa huo 

unaotokana nakirusi kinachosambazwa na mbu aina ya Aedes , unatajwa 

kuwa ni wa ukanda wa joto. Dalili za ugonjwa huo ni homa, kuumwa 

kichwa, maumivu ya viungo na uchovu huku wakati mwingine, dalili zake 

zikifanana na za malaria.Taarifa iliyotolewa hivi karibuni bungeni, 

ilisema Sh milioni 132 zimeshatumika na wakati huo huo Sh milioni540 

zimetengwa kwa ajili ya mapambano dhidi ya ugonjwa wa dengue ulioibuka 

jijini Dar es Salaam. Serikali kupitia kwa Naibu Waziri wa Afya na 

Ustawi waJamii, Dk Stephen Kebwe katika taarifa yake bungeni, ilisema 

imeshafanya utafiti mkoani Kagera, Morogoro na Kigoma na kuthibitisha 

kuwa haijaathirika na ugonjwa huo.Dk Kebwe alisema Serikali 

itaendelea kutoa fedha kwa ajili ya kukabili ugonjwa huo kadri 

itakavyohitajika. Alihimiza uvaaji wa nguo ndefu na zenye mikono 

mirefu hususani katika maeneo ambayo ugonjwa huu umeripotiwa kuepuka 

kuumwa na mbu husika