MHANDISI SULEIMAN SAID AZIKWA MAKABURI YA KISUTU

Dua maalum ya mazishi wakati wa safari ya mwisho ya aliyekuwa Mkurugenzi Mkuu wa Mamlaka ya Viwanja vya Ndege (TAA), marehemu Mhandisi Suleiman Said, katika makaburi ya Kisutu jijini Dar es Salaam. (Picha zote na Andrew Chale, Modewjiblog).

Safari ya mwisho ya mwili wa aliyekuwa Mkurugenzi Mkuu wa Mamlaka ya Viwanja vya Ndege (TAA), Mhandisi Suleiman Said,  imehitimishwa katika makaburi ya Kisutu  majira ya saa 10 jioni jana huku watu mbalimbali wakijotokeza kwa wingi katika mazishi hayo.

Mbali na ndugu jamaa na marafiki, viongozi wa Serikali, vyama pamoja na wadau wa michezo walikuwa miongoni mwa waliojitokeza katika makaburi hayo ya Kisutu yaliyopo katikati ya jiji la Dar es Salaam.

Marehemu Mhandisi Suleiman Said alipatwa na umati huo mapema jana asubuhi 18 Januari akiwa katika mazoezi ya kuogelea na ndipo kuzidiwa na baadae kukimbizwa hospitali ya The Agha Khan na kufikiwa na umati wake huo.

Marehemu pia atakumbukwa kwa wadau wa michezo hasa klabu ya Simba Sc ambayo aliwahi kuwa Katibu Mkuu kipindi cha nyuma huku akiwa mwanachama mwenye mguso na msukumo mkubwa katika timu hiyo.

Hata hivyo ndugu wa familia kupitia kwa msemaji wa familia makaburini hapo wameeleza kuwa, taratibu zingine zitaendelea kwa familia ikiwemo dua maalumu inayotarajiwa kusoma leo.

Umati wa ndugu, jamaa na marafiki waliojitokeza katika mazishi hayo..

Ndugu na jamaa wakisalimiana muda mfupi baada ya mazishi hayo..

Ndugu, jamaa na marafiki wakishiriki kuweka udongo na majani katika safari ya mwisho ya marehemu.
-mtandao