JE WAJUA BANDO ZA SMILE SASA NI SAWA NA BEI YA NDIZI?

Mkuu wa Kitengo cha Masoko  na Mawasiliano wa Mtandao wa Smile, Linda Chiza akizungumza kuhusu bei mpya ya vifurushi vya Smile.

Kampuni ya Smile Tanzania ambayo ni waasisi wa huduma ya intaneti yenye kasi zaidi hapa nchini imedhamiria kuwafikia watu wengi na wenye vipato vya hali zote kwa kufanya vifurushi vyao kuwa bei nafuu zaidi tofauti na awali.

Akizungumzia hatua hii Mkuu wa kitengo cha Masoko na Mawasiliano wa  Smile Tanzania Bi. Linda Chiza amesema hii ni hatua ya kwanza ya kimapinduzi ya kuifanya huduma ya intaneti yenye kasi kuwa nafuu ili kuwezesha Watanzania wengi Zaidi kuipata na kutabasamu kama ilivyo jina “smile”.

“Vifurushi vyetu vipya tumepunguza bei ili kuwapa nafasi wateja wetu kutumia huduma ya intaneti yenye ubora lakini vikiwa na bei ndogo, niwatoe hofu wateja wetu ambao wanaweza labda kuhisi sababu tumepunguza bei labda spidi itapungua hapana, spidi itaendelea kuwa ile ile,” amesema Chiza.

 Baadhi ya vifurushi ni kifurushi kipya cha muda wote (Unlimited) cha Tsh. 4,500, kifurushi cha siku cha 2GB kutoka Tsh. 2,500 hadi Tsh. 2,000, kifurushi cha mwezi cha 200GB kutoka Tsh. 1.4 milioni hadi Tsh. 275,000.

“Sambamba na kurahisisha bei za vifurushi vyetu pia wateja wetu watapata zawadi pamoja na nyongeza mbalimbali ikiwemo data ya ziada kwa ajili ya matumizi ya mitandao ya kijamii ikiwemo Whatsapp, Facebook,Twitter pamoja na Youtube jambo ambalo ni la kipekee sana” alisema Linda.

Baadhi ya wadau wa Mtandao wa Smile wakifuatilia maelezo yaliyokuwa yakitolewa na Mkuu wa Kitengo cha Masoko  na Mawasiliano wa Mtandao wa Smile, Linda Chiza