UBINGWA WAOTA MBAWA KWA REAL MADRID WATOKA SARE YA 1-1 NA VALLADOLID ,

Balaa hilo!: mchezaji wa Valladolid,  Humberto Osorio akifunga bao la kusawazisha dakika za lala salama dhidi ya Real Madrid.

BAO la kusawazisha la Humberto Osorio katika dakika za mwisho limepunguza matumaini ya Real Madrid kutwaa ubingwa wa La Liga msimu huu.

Real walitegemea kuongeza presha kwa vinara Atletico Madrid, lakini sare ya 1-1 dhidi ya Valladolid usiku huu imewafanya waendelee kukaa nafasi ya tatu pointi 4 nyuma ya mahasimu wao wa jiji na pointi moja nyuma ya Barcelona waliopo nafasi ya pili katika msimamo wa La Liga.

Timu zote zimebakiwa na mechi mbili na kama Real Madrid wangeshinda leo wangekuwa katika mazingira mazuri ya kutwaa ubingwa.

Matokeo ya leo yamefungua milango kwa Barcelona, na sasa wanajua kuwa wanaweza kutwaa ubingwa kama wataifunga Atletico Madrid mechi ya mwisho, huku wakitakiwa kushinda dhidi ya Elche siku ya jumapili ugenini.

Hali tete: Matumaini ya Real Madrid kutwaa ubingwa yamepungua baada ya kushindwa kuwafunga Valladolid.

Mechi ilianza vibaya kwa Real Madrid baada ya nyota wake na mwanasoka bora wa duniaCristiano Ronaldo kupata maumivu ya nyama za paja na kutolewa nje.

Madrid walianza kuongoza baada ya Sergio Ramos kufunga bao kwa mpira wa adhabu ndogo.

Bao hili lilikuwa muhimu sana kwa Ramos ambaye anasherekea kuzaliwa kwa mwanaye hapo jana jumanne na mechi yake ya 400 akiwa na Real Madrid.

Beki wa Real Madrid, Sergio Ramos akishangilia baada ya kufunga bao la kuongoza dhidi ya Real Valladolid

Beki wa Real Madrid Sergio Ramos akifanya yake

 Ramos akishangilia bao lake na kocha wa Real Madrid Carlo Ancelotti

MSIMAMO WA LA LIGA KWA TIMU 10 ZA JUU HUU HAPA

SPANISH LA LIGA | LOGS

Pos	Team	P	W	D	L	GF	GA	GD	Pts
1	Atlético de Madrid	36	28	4	4	75	24	51	88
2	Barcelona	36	27	4	5	99	32	67	85
3	Real Madrid	36	26	6	4	101	35	66	84
4	Athletic Club	36	20	8	8	65	38	27	68
5	Sevilla	36	17	9	10	66	50	16	60
6	Real Sociedad	36	16	10	10	60	52	8	58
7	Villarreal	36	15	8	13	54	43	11	53
8	Valencia CF	36	12	10	14	49	50	-1	46
9	Celta de Vigo	36	13	7	16	46	52	-6	46
10	Levante	36	11	12	13	33	42	-9	45		NA MTANDAO