EURO 2016::GRIEZMANN, PAYET WAIPATIA UFARANSA USHINDI WA JIONI

Mshambuliaji wa Ufaransa, Dimitri Payet akitimba kibendera cha kona kwa furaha baada ya kuifungia timu yake bao la pili dakika

Ufaransa imefanya kitu ambacho hakijawahi kufanyika hapo kabla kwenye michuano ya Ulaya baada ya kuichapa Ablania 2-0 huku magoli yote yakija baada ya dakika ya 90.

Griezmann anayekipiga na Atletico Madrid  akifunga kwa kichwa goli lake hilo la dakika ya 90

Mshambuliaji wa Ufaransa aliyetokea benchi Antoine Griezmann akishangilia bao lake dakika ya 90 dhidi ya Albania Jumatano jioni  

 Ilikuwa ni kama vile mechi hiyo ya Euro 2016 inamalizika kwa sare, lakini mshambuliaji wa Atletico Madrid Antoine Griezmann  aliyeingia dakika ya 68 kuchukua nafasi ya  Kingsley Coman akaifungia Ufaransa bao la kwanza dakika ya 90. Wakati Ufaransa wakiwa bado hata hawajamaliza furaha ya bao hilo, mambo yakazidi kunoga pale Dimitri Payet alipofunga goli la pili katika dakika za majeruhi.

Hii ni mara ya pili mfululizo kwa wenyeji Ufaransa kupata bao la ushindi ukingoni mwa mchezo, kwani katika mchezo wa kwanza dhidi ya Romania, Dimitri Payet alifunga bao la ushindi dakika ya 90 na kufanya mpira umalizike 2-1. Katika mchezo huu, kocha Didier Deschamps aliwaanzishia benchi Antoine Griezmann na Paul Pogba nafasi zao zikipelekwa kwa Anthony Martial na Kingsley Coman kabla hawajaingizwa kipindi cha pili. 

  

 Staa wa West Ham United Dimitri Payet akifunga goli la pili kwa ufundi wa hali ya juu 

Hana Bahati!!!Giroud anapiga mpira wa kichwa unaokwenda kugonga mwamba