ATABAKI:::LEICESTER CITY YATANGAZA KUMBAKIZA MAHREZ KIKOSINI

Leicester City inaamini kuwa Riyad Mahrez ataendelea kuitumikia timu hiyo katika msimu mpya unaoanza wikiendi hii kufuatia mazungumzo ya kina na mkurugenzi wa klabu hiyo Jon Rudkin. Arsenal imekuwa ikihusishwa kwa karibu na usajili wa Mahrez lakini mabingwa hao wa England hawana dhamira ya kumuuza nyota huyo wa kimataifa wa Algeria mwenye umri wa miaka 25. Kiwango cha Mahrez kimemkuna  Arsene Wenger lakini kocha wa Leicester Claudio Ranieri ameendelea kusisitiza kuwa nyota huyo haondoki.