URUSI:: VIKWAZO VINGI DHIDI YA KOREA KASKAZINI SIYO SULUHISHO

Waziri wa Mambo ya Nchi za Nje wa Urusi, Sergei Lavrov amemwambia waziri wa Ulinzi wa Marekani, Rex Tillerson kuwa kuiwekea vikwazo vingi Korea Kaskazini hakutasaidia chochote kutatua mgogoro uliopo kuhusu mpango wake wa nyuklia.

Katika taarifa iliyotolewa na Wizara ya Mambo ya Nje nchini Urusi imesema kuwa viongozi hao wamezungumza kwa njia ya simu na kushutumu majaribio yanayofanywa na Korea Kaskazini.

Lavrov amesema kuwa diplomasia ndio njia pekee ya kumaliza wasiwasi katika rasi ya Korea, na kutaka hatua zozote dhidi ya taifa hilo kusitishwa akionya huenda zikasababisha madhara yasiojulikana.

Hata hivyo, Waziri wa ulinzi wa Marekani amesema kuwa bado kuna fursa ya kidiplomasia katika kukabiliana na Korea Kaskazini ili iweze kuachana na mpango wake wa majaribio ya silaha za nyuklia huku Rais Trump akisema mazungumzo sio suluhisho.

Read More

MATUKIO KATIKA PICHA KWENYE MAHAFALI YA 19 CHUO CHA DIPLOMASIA KURASINI

Ijumaa ya tarehe 13/01/2017 Chuo cha Diplomasia kilifanya mahafali ya 19 kwa ajili ya  kuwaaga na kutunuku vyeti kwa wahitimu zaidi ya 180 kwa ngazi  za Astashahada, Stashahada na Stashahada ya Uzamili yaliyofanyika katika viwanja vya chuo hicho Kurasini, jijini Dar es Salaam.

Kikundi cha protokali kikiwa katika mipango ya kuhakikisha taratibu zote zinafuatwa

Askari wa Bendi ya muziki ya Polisi wakiwaongoza wahitimu, meza kuu pamoja na wahadhiri Chuo cha Diplomasia kuingia katika ukumbi wa sherehe za mahafali ya 19 ya chuo hicho

Mwenyekiti wa Bodi ya Chuo Cha Diplomasia, Balozi Ombeni Sefue akiambatana na jopo la viongozi wa meza kuu kuingia katika ukumbi wa sherehe za mahafali ya 19 ya chuo hicho 

Meza kuu pamoja na Mabalozi wanaowakilisha mataifa yao nchini wakiwa wima wakati Wimbo wa Taifa ukiimbwa

Baadhi ya Wahitimu katika ngazi ya Stashahada ya Uzamili wakitunukiwa hadhi ya elimu yao katika mahafali ya 19 ya chuo hicho

Baadhi ya Mabalozi wanaowakilisha mataifa yao nchini wakiwa na nyuso za tabasamu wakati wa mahafali hayo

Afisa Mambo ya Nje Wizara ya Mambo ya Nje na Ushirikiano wa Afrika Mashariki Bw. Benedict Theresia Msuya  ambaye alikuwa mwanafunzi bora katika ngazi ya stashahada ya uzamili  kozi Menejimenti ya Mahusiano ya Kimataifa akijongea kunako meza kuu kwa ajili ya kukabidhiwa zawadi

Mgeni rasmi akimkabidhi zawadi Afisa Mambo ya Nje Wizara ya Mambo ya Nje na Ushirikiano wa Afrika Mashariki Bw. Benedict Theresia Msuya  ambaye alikuwa mwanafunzi bora katika ngazi ya stashahada ya uzamili  kozi Menejimenti ya Mahusiano ya Kimataifa.  

Mgeni rasmi akimkabidhi zawadi mmoja kati ya wanafunzi bora katika ngazi ya Stashahada ya uzamili kozi ya Diplomasia ya Uchumi 

Askari wa Bendi ya muziki ya Polisi wakifurahia jambo katika mahafali hayo

Mwanafunzi  Chuo cha Diplomasia akitumia kipaji chake kutoa burudani kwa njia ya vichekesho katika mahafali hayo

baadhi ya wahadhiri wa Chuo cha Diplomasia wakifuatilia burudani katika mahafali hayo

Meza kuu ikiwa katika picha ya pamoja na baadhi ya wana-Protokali waliosimamia vyema taratibu nzima katika mahafali hayo

Meza kuu ikiwa katika picha ya pamoja na baadhi ya wahadhiri wa Chuo cha Diplomasia

  

Sehemu ya wageni waliohudhuria mahafali hayo

Read More