Picha toka maktaba

Picha toka maktaba

Kuendelea kuwafumbia macho baadhi ya wauguzi na wakunga wanaotoa  lugha chafu kwa wagonjwa, kumesababisha watendaji hao kuendelea  kuwadhalilisha wanawake wanaokwenda kujifungua   ambapo sasa wamefikia hatua ya  kuwapiga na kuwadhalilisha hadharani.

wakizungumza katika kikao cha wadau wa afya wa mkoa  wa Arusa baadhi ya wananchi waliathiriwa na tatizo hilo wamesema tatizo ni kubwa  zaidi katika  maeneo ya pembezoni ambapo asilimia kubwa ya wanawake wanatoka katika familia maskini zisizo na uwezo  hasa za jamii ya wafugaji.

Baadhi ya watendaji akiwemo mkuu wa wilaya ya  Monduli Bw,Jowika Kasunga mkuu wa wilaya ya arusha  Christopher Kangoye nanaibu meeya wa jiji la Arusha  Prosper Msofe wamesema  hatuailiyofikia sasa  haivumiliki na licha ya kumtupia  lawama mganga  mkuu  wa mkoa wameiomba jamii kuendelea  kutoa  ushirikiano wa kuwabaini watendaji.

Akizungumzia tatizo hilo mganga mkuu wa mkoa wa  arusha Dr.Frida  Mokiti amesema tatizo hilo lipo na  lina athari kubwa na kwamba licha yakuchukua hatua  aadhi ya mambo yako nje ya uwezo wao.

Malalamiko ya wagonjwa juu ya wakiwemo akina mama  wajawazito yakudhalilishwa na baadhiya watendaji wa  sekta ya afya kwa muda mrefu sasa yamekuwa  yakiendelea kusikika katika kona mbalimbali nchini jambolinaloonyesha kuwa  ngazi zinazohusika  hazijachukua  hatua stahiki za kukomesha tatizo hilo.