Watu wanaotazama runinga kwa saa tatu au zaidi kila siku wako katika hatari ya kuaga dunia mapema kuwaliko wale wanaotazama kwa muda mchache. 
Hii ni kwa mujibu wa uchunguzi uliochapishwa katika jarida la the American Heart Association nchini Marekani.
“Utazamaji sana wa wa runinga ni tabia ya watu wasio na kazi ya kufanya tu na kuna ongezeko la mienendo ya kila aina ya tabia za kukaa tu,” mtafiti mkuu Miguel Martinez-Gonzalez, profesa wa chuo kikuu cha Navarra iliyoko Pamplona, nchini Uhispania, alisema katika taarifa ya shirika hilo. 
“Matokeo ya utafiti wetu ni sambamba na utafiti tuliowahi kufanya, ambapo muda unaotumiwa kutazama runinga uliolinganishwa na idadi ya vifo vinavyotokea kwa sababu hiyo.” 
Watafiti hao waliwachunguz vijana wachanga 13,284 kutoka Uhispania wenye afya na waliohitimu chuo kikuu kuhusu aina tatu ya tabia za kukaa tu na hatari ya kuaga dunia kutokana na sababu zote:muda wa kutazama runinga, muda wa kutumia tarakilishi na muda wa kuendesha gari. 

'Sababu nyinginezo'

Vijana hao walioshiriki, ambao walikuwa na umri wa wastani wa miaka 37 na ambao asilimia 67 walikuwa wanawake, walifuatiliwa kwa takriban miaka 8.2. mwishowe, vifo 97 viliripotiwa, vikiwemo vifo 19 vilivyotokana na mishipa na moyo, 46 kutokana na saratani na mengine 32 vilivyotokana na sababu nyinginezo.

Utafiti huo ulionyesha hatari kubwa ya kuaga dunia ilikuwa mara mbili zaidi kwa washiriki walioripoti kutazama runinga kwa saa tatu au zaidi kwa siku ikilinganishwa na wale waliotazama kwa saa moja au chini ya saa.



Watu 19 waliripotiwa kufariki kutokana na kutizama TV kwa muda mrefu

Hatari hii mara mbili zaidi ilidhihirishwa pia baada ya kutoa hesabu ya safu kubwa ya vigezo vingine vinavyohusiana na hatari kubwa ya kuaga dunia.

Watafiti hao hawakupata ushirikiano kati ya muda unaotumiwa na mtu anapotumia tarakilishi au kuendesha gari na hatari kubwa ya kuaga dunia mapema kutokana na sababu zote.

Pia waliongezea kuwa utafiti zaidi unapaswa kufanywa ili kudhibitisha ni athari zipi zilizopo kati ya kutumia tarakilishi na kuendesha gari katika viwango vya vifo, na pia kutathmini taratibu za kibayolojia zinazoweza kueleza uhusiano huo.

“Watu wanapoendelea kuzeeka, tabia za kukaa tu zitaenea zaidi, hasa kutazama runinga, na hili litasababisha mzigo mkubwa katika ongezeko la matatizo ya kiafya yanayoambatana na kuzeeka,” Martinez-Gonzalez alisema.

“Matokeo ya utafiti wetu yanapendekeza watu wazima wajihusishe katika mazoezi ya viungo, waache kukaa tu kwa muda mrefu, na wapunguze kutazama televisheni kwa zaidi ya saa mbili kila siku.

Read More

OLE SENDEKA AMPONGEZA LOWASSA KWA KUMUUNGA MKONO RAIS MAGUFULI KATIKA KULINDA RASILIMALI ZA NCHI

Mkuu wa Mkoa wa Njombe, Christopher Ole Sendeka amempongeza Waziri Mkuu wa zamani, Edward Lowassa kwa kumpongeza Rais John Magufuli kufuatia uamuzi aliouchukua kuhusu mchanga wa madini yanayochimbwa nchini na kampuni ya Acacia.

Ole Sendeka ambaye aliwahi kuwa msemaji wa Chama Cha Mapinduzi, amesema kuwa baada ya kusikia kupitia vyombo vya habari kuwa Lowassa ambaye pia ni mjumbe wa Kamati Kuu ya Chadema amempongeza Rais, hana budi kumshukuru na kumpongeza pia kwa kufanya hivyo, na kuwaomba wabunge wote bila kujali vyama vyao kumuunga mkono Rais Magufuli kwa kusimamia kikamilifu rasilimali za nchi.

“Nanyi wabunge mkiwa bungeni muungeni mkono Rais wetu Magufuli anavyotetea rasilimali za nchi ili madini yanayochimbwa yaweze kuwanufaisha Watanzania, waweze kupata huduma zao za msingi kupitia madini hayo,” Ole Sendeka anakaririwa na Mwananchi.

Mkuu huyo wa Mkoa wa Njombe alitoa kauli hiyo alipokuwa akizungumza jana kwenye mazishi ya mama yake mzazi yaliyofanyika katika kijiji cha Losokonoi wilayani Simanjiro.

 Alimuomba mbunge wa Simanjiro, James Ole Millya ambaye alihudhuria mazishi hayo, kumfikishia salamu na pongezi hizo kwa Lowassa.

Lowassa alimpongeza Rais Magufuli kwa uamuzi wake baada ya kupokea ripoti ya pili ya uchunguzi wa makontena ya mchanga wa madini yanayoshikiliwa na Serikali katika bandari ya Dar es Salaam, yalipokuwa katika mchakato wa kusafirishwa nje ya nchi na kampuni ya Acacia.

Read More

SERIKALI YALIPA MADENI YA FEDHA ZA LIKIZO KWA WALIMU 86,234 NCHINI

Na Daudi Manongi-MAELEZO.

Serikali kupitia Wizara ya Elimu,Sayansi na Teknolojia imelipa madeni ya fedha za likizo kwa walimu 86,234 kwa kipindi cha mwaka wa fedha 2015/2016 na 2016/17.

Hayo yamebainishwa na Naibu Waziri wa Elimu,Sayansi na Teknolojia Mhe.Stella Manyanya wakati akijibu hoja mbalimbali za wabunge Mjini Dodoma.

“Serikali inaendelea kulipa madeni mbalimbali ikiwa ni pamoja na fedha za likizo kwa walimu/Watumishi katika sekta ya Elimu”,Aliongeza Mhe.Manyanya.

Amesema kuwa katika kipidi cha mwaka wa fedha 2015/16 hadi mwezi Juni, 2016 jumla ya shilingi bilioni 22,629,352,309 zililipwa kwa walimu 63814, na pia katika kipindi cha mwaka wa fedha 2016/17 hadi kufikia mwezi Machi, 2017 jumla ya shilingi bilioni 10,505,160,275 zimelipwa kwa walimu 22420.

Aidha katika malipo haya jumla ya shilingi 13,415,410 zimelipwa kwa ajili ya madeni ya fedha za likizo kwa watumishi wa chuo cha ualimu Korogwe.Akizungumzia upande wa upandishaji madaraja Mhe.Manyanya amesema kuwakwa sasa uhakiki wa watumishi unaendela na ukikamilika watapandisha madaraja kama inavyotakiwa.

Aidha amesisitiza kuwa Wizara ya Elimu,Sayansi na Teknolojia imekuwa ikiwapandisha vyeo watumishi wake wenye sifa kila mwaka ambapo katika mwaka 2015/16 Wizara iliwapandisha vyeo watumishi 2272 kati yao watumishi 71 ni wa chuo cha ualimu korogwe.

Uhakiki wa madeni ya miaka ya nyuma unaendelea kuratibiwa na mamlaka husika na taratibu za malipo zitakamilishwa kwa wale wanaostahili.

Read More

PROF. MUHONGO AZUIA REA KUTUMIA NGUZO NA TRANSFOMA ZA NJE

Waziri wa Nishati na Madini, Profesa Sospeter Muhongo ameagiza kuanzia sasa miradi yote ya Wakala wa Nishati Vijijini (REA) itumie nguzo na transfoma zinazotengenezwa nchini.

Alisema hayo juzi mjini hapa wakati akizindua Bodi ya Nishati Vijijini. Alisema ni vyema wakandarasi wa mradi huo wakafuatiliwa mahali wanaponunua vifaa. 

“Naagiza miradi yote ya REA awamu ya tatu itumie nguzo zinazozalishwa nchini, wakandarasi wote wanunue nguzo za Tanzania, zikiisha ndio waende nje ya nchi,” alisema.

Alisema tayari amepokea malalamiko kuwa nguzo zisizo na hadhi zinataka kununuliwa na kuna nguzo nyingine hazidumu hata miaka mitatu. 

“Hata transfoma tunataka zinazotoka ndani ya nchi, kuna kampuni Wanaosambaza chakula kibovu kushughulikiwa Muhongo azuia REA kutumia nguzo na transfoma za nje 202750005 ya Tanalec waelekezwe wafanye uzalishaji wa kutosha, transfoma nyingi za kutoka nje ya nchi zina matatizo,” alisema.

Pia alitaka kampuni zote za nje ambazo zitatekeleza mradi huo zifanye kazi na wakandarasi wadogo wa Tanzania.

 “Lazima wakandarasi wote wadogo wawe wa kampuni za kitanzania na kuna madai kampuni kubwa hazilipi wakandarasi wadogo na wakandarasi wadogo hawalipi vibarua,” alisema.

Alisema hali hiyo imekuwa ikifanya vijana wanaofanya kazi ya kuchimba mashimo ya kusimika nguzo katika maeneo ya vijijini kutolipwa. W

aziri huyo aliitaka bodi hiyo kukaa na wakandarasi watakaotekeleza miradi ya awamu ya tatu ili kujiridhisha na kila mkandarasi na kampuni yake aeleze historia yake na hiyo kazi ataiwezaje. 

Alisema katika REA awamu ya pili wakandarasi wanane walishindwa kazi na kuangalia kama majina yao yameingia katika miradi ya REA awamu ya tatu.

“Bodi lazima ikae na wakandarasi watakaotekeleza miradi ya awamu ya tatu na kila mkandarasi mjue historia yake na kama hiyo kazi ataweza. REA awamu ya pili iliyoisha wakandarasi wanane walishindwa kazi na mpewe majina kama wamewekwa katika awamu ya tatu,” alisema. 

Waziri Muhongo alisema lazima bodi ikae na wakandarasi hao na kuwauliza na kuangalia uwezo wao na makampuni yao ili kujiridhisha.

“Lazima muangalie kama ana uwezo muone, ukubwa wa bajeti, vitendea kazi walivyonavyo na wataalam walionao ni lazima maofisa wa REA na wale wa Shirika la Umeme (Tanesco) wawepo,” alitaka ubora wa kazi uangaliwe.

“Wabunge walipita Njombe walitutukana sana walikuta zaidi ya transfoma 20 zilikuwa zimekufa jambo kama hili halipendezi,” alisema. 

Mkurugenzi Mkuu wa Rea, Gissima Nyamo-Hanga alisema hiyo ni bodi ya nne ambapo kila baada ya miaka mitatu bodi mpya imekuwa ikiteuliwa.

Naibu Katibu Mkuu wa wizara hiyo, Profesa James Mdoe aliwataja wajumbe wanane wa bodi hiyo ni Mwenyekiti wake Dk Gideon Kaunda, wajumbe ni Amina Hussein, Innocent Luoga,Michael Nyagogo, Stella Mandago, Stolastica Jullu, Happiness Mhina na Theobard Manumbe.

Read More

WAZIRI MKUU WA ETHIOPIA, HAILEMARIAM DESSALEGN AHITIMISHA ZIARA YAKE YA KIKAZI YA SIKU MBILI NCHINI

Waziri Mkuu wa Shirikisho la Jamhuri ya Kidemokrasi ya Ethiopia Mhe. Hailemariam Dessalegn ameondoka nchini leo kurejea nchini mwake Ethiopia baada ya kumaliza ziara yake rasmi ya kiserikali hapa nchini aliyoifanya kwa mwaliko wa Rais wa Jamhuri ya Muungano wa Tanzania Mhe. Dkt. John Pombe Magufuli.

Katika Uwanja wa Ndege wa Kimataifa wa Julius Nyerere Jijini Dar es Salaam, Mhe. Hailemariam Dessalegn ameagwa na mwenyeji wake Mhe. Rais Magufuli aliyeongozana na Waziri Mkuu wa Jamhuri ya Muungano wa Tanzania Mhe. Kassim Majaliwa Majaliwa.

Akiwa nchini Mhe. Hailemariam Dessalegn amefanya mazungumzo na mwenyeji wake Mhe. Rais Magufuli Ikulu Jijini Dar es Salaam, amehudhuria dhifa ya kitaifa iliyoandaliwa na Mhe. Dkt. Magufuli kwa heshima yake na leo asubuhi ametembelea bandari ya Dar es Salaam ambapo amesema nchi yake ipo tayari kuitumia bandari hiyo sambamba na kuanzisha kituo cha huduma za usafirishaji wa mizigo kwa ndege (Cargo Hub) katika Uwanja wa Ndege wa Kimataifa wa Julius Nyerere kupitia shirika lake la ndege la Ethiopia Airline.

Emmanuel Buhohela

Kaimu Mwandishi wa Habari wa Rais Msaidizi

Dar es Salaam

01 Aprili, 2017

Read More

IDADI NDOGO YA WANANCHI KUTUMIA HUDUMA ZA KIBENKI KUNACHANGIA KUCHAKAA HARAKA KWA FEDHA

Meneja Msaidizi wa Benki Kuu, (BoT) , kutoka Kurugenzi ya Huduma za Kibenki, Bw.Abdul M. Dollah, akitoa mada juu ya

Huduma za Kibenki  Benki Kuu ya Tanzania

NA K-VIS BLOG/Khalfan Said

IDADI ndogo ya Watanzania wanaotumia huduma za kibenki kunachangia pakubwa kuchakaa haraka kwa fedha.

Hayo yamesemwa na Meneja Msaidizi wa Benki Kuu, (BoT) , kutoka Kurugenzi ya Huduma za Kibenki, Bw.Abdul M.Dollah, wakati akijibu maswali ya Washiriki wa Warsha ya Waandishi wa habari za Uchumi na Fedha, inayoendelea kwenye ukumbi wa BoT tawi la Zanzibar, leo Machi 30, 2017 waliotaka kujua ni kwa nini fedha za noi zinachakaa haraka hususan shilingi 500 na shilingi 1,000/_

“Ubora wa karatasi zinazotumika kutengenezea noti zetu unalingana, lakini matumizi makubwa ya noti hizo zilizotajwa, zinapita kwenye mikono ya idadi kubwa ya watu na hivyo kupelekea kuchoka haraka.” Alifafanua

Akifafanua zaidi alisema, Idadi ya Watanzania kwa sense iliyofanyika mwaka 2012 ni Milioni 48, lakini kati ya hao ni Watanzania Milioni 4 tu ndio wanatumia huduma za kibenki, (kuwa na akaunti benki), na idadi ya waliosalia, hutunza wenyewe fedha hizo.

Utunzaji mbaya wa fedha na hali ya hewa ya baadhi ya maeneo nchini, huchangia kuchakaa haraka kwa fedha “ Kwa mfano, kule Tanga maeneo ya Lushoto na Kibondo mkoani Kigoma, kutokana na rangi ya udongo wa sehemu hizo, utakuta fedha inachakaa haraka sana, alisema Bw.Dollah.

Akielezea majukumu ya Kurugenzi ya Huduma za Kibenki ya Benki Kuu ya Tanzania, (BoT), Bw. Dollah alisema, Sheria namba Nne (4) ya BoT, imeipa kurugenzi hii jukumu la kusanifu, kutoa, kusambaza na kuharibu fedha,(noti na sarafu), zilizochakaa.

Pia Kurugenzi hii ina jukumu la kutoa huduma za kibenki kwa serikali zote mbili, (Jamhuri ya Muungano wa Tanzania na ile ya Mapinduzi Zanzibar).

Alisema jukumu lingine kubwa la Kurugenzi hiyo ni kuhakikisha uwepo wa noti na sarafu kwa uwiano wa kutosha kwenye uchumi, “hatuwezi kuingiza fedha nyingi kwenye uchumi bila ya kuangalia uwiano wa uzalishaji na kiwango cha fedha”.aliongeza.

Akizungumzia kushuka na kupanda kwa thamani ya fedha ya Tanzania, (TZS), Mchumi Mwandamizi wa BoT, kutoka Kurugenzi ya Utafiti na Sera za Uchumi, wa BoT, Bw. Lusajo Mwankemwa, alisema, miongoni mwa sababu zinazopelekea hali hiyo ni uhitaji wa fedha yetu, (TZS), katika soko(mzunguko).

“Ili fedha yetu (TZS), iwe na thamani lazima uhitaji wake uwe mkubwa katika soko, na ikitokea kwamba fedha yetu inahitajika kwa wingi basi fedha yetu itapanda thamani na hii itatokana na kuongeza uzalishaji na kuuza bidhaa zetu nje, lakini endapo uzalishaji utapungua, na Nchi ikaingiza kwa wingi bidhaa kutoka nje, itapelekea uhitaji wa Shilingi kupungua na hivyo thamani yake pia itapungua.” Alisema Lusajo. Na kushauri taifa kama taifa liongeze thamani ya bidhaa ili ziweze kuuzwa nje na hivyo kuongeza uhitaji wa fedha yetu.

Aidha, BoT, imesema, utafiti mdogo iliyofanya umeonyesha kuwa wateja wengi katika benki za biashara, wanapokwenda kuchukua fedha, hupokea fedha (noti), za thamani ya juu yaani 10,000, na 5,000 licha ya kuwa wengine wangependa kupewa fedha ndogo ndogo kwa ajili ya urahisi wa kupata chenji.

 “Ni haki ya mteja wa benki za biashara anapokwenda kuchukua fedha benki, kudai apewe fedha za chenji (fedha ndogo ndogo, yaani 500/- 1,000,000/ na 2,000/=, ili kumrahisishia anapokwenda kufanya manunuzi asipate shida ya chenji.” Meneja Msaidizi Idara ya Uhusiano wa Umma na Itifaki, Bi Vicky Msina alibainisha.

Washiriki wa semina, wakiangalia noti ya Sh. 10,000, ili kutambua kama ni halali au so halali.

Maafisa wa BoT, Bw. Lusajo Mwankemwa, (kulia), na Bw. Mohammed na Mohammed Kailwa, wakijadiliana jambo kwenye komppyuta

Meneja Msaidizi Idara ya Uhusiano wa Umma na Itifaki wa BoT, Bi.Vicky Msina, (kulia), akizungumzia kuhusu haki ya mteja wa benki ya biashara kupewa Fedha ndogondogo kama atahitaji. Kushoto ni Bw. Abdul M. Dollah. 

Bw. Abdul M. Dollah, akitoa mada juu ya Huduma za Kibenki

Bi. Flora Nkondola kutoka EFM, akitazama uhalali wa noti ya Shilingi elfu 10,000/=

Baadhi ya washiriki wakifuatilia mada iliyokuwa ikitolewa

Baadhi ya maafisa kutoka BoT

Mtangazaji wa Channel Ten, Bi. Dorcas R. Mtenga, akizungumza

Bw. Dollah akitoa mada

Mchumi Mwandamizi wa BoT, kutoka Kurugenzi ya Utafiti na Sera za Uchumi, wa BoT, Bw. Lusajo Mwankemwa, akitoa ufafanuazi kuhusu kwa nini thamani ya shilingi ya Tanzania inapanda na kushuka

Bw. Dollah(kushoto), akiwa na Afisa Uhusiano Mkuu, Idara ya Uhusiano wa Umma na Itifaki, BoT, Bw. Lwaga Mwambande

Maafisa wa BoT

Read More