SEMINA YA UANDIKISHWAJI WA VITAMBULISHO VYA URAIA YAFANYIKA VYUONI MKOANI KILIMANJARO

Afisa msajili wilaya ya Moshi  Bwana Mtugani Brighton akisoma baadhi ya maelekezo yaliyomo katika fomu ya kujiandikisha

Semina ya uandikishwaji wa vitambulisho vya uraia iliyoendeshwa na tume ya vitambulisho vya uraia nchini NIDA imefanyika alhamisi hii katika chuo kikuu cha kumbu kumbu ya Stefano Moshi kampasi ya mjini kilichopo manispaa ya Moshi mjini mkoani Kilimanjaro.

Akiwa mzungumzaji mkuu katika semina hiyo  afisa msajili wilaya ya Moshi  Bwana Mtugani Brighton alianza kwa kueleza faida za mwananchi kujiandikisha ili kupata kitambulisho cha uraia pamoja na kutaja sifa za anaeweza kujiandikisha ili kupata kitambulisho hicho.

Bwana Mtugani Brighton akielezea jambo fulani katika semina hiyo

“Ninyi wasomi,tunatazamia muwe mfano wa kuigwa na jamii katika zoezi hili na kwa kutambua umuhimu huo tumeamua kutembelea vyuo (vyote nchini) kwanza kabisa kutoa elimu na pili kuendesha zoezi zima la uandikishwaji” alisema bwana Mtugani.

Mwanafunzi chuo kikuu cha kumbu kumbu ya Stefano Moshi kampasi ya mjini ndugu Hamis Faki akiuliza swali katika semina hiyo

Katika semina hiyo ambayo iliyohudhuriwa situ na wanafunzi pekee bali na uongozi, waadhiri pamoja na waajiriwa wengine chuoni hapo elimu  namna ya kujiandikisha kuanzia hatua ya kwanza hadi ya mwisho ilitolewa huku wahudhuriaji wakipata nafasi ya kuuliza maswali pale walipokuwa na uhitaji wa maelezo ya ziada huku hofu kubwa ikiwa ni ucheleweshaji wa upatikanaji wa kitambulisho hicho.

Mhadhiri wa chuo chuo kikuu cha kumbu kumbu ya Stefano Moshi Dr.Gasper Mpehongwa naye alihudhuria semina hiyo kupata elimu juu ya zoezi la uandikishwaji na namna ya kupata vitambulisho vya uraia

Mhadhiri wa chuo kikuu cha kumbu kumbu ya Stefano Moshi Ndugu C Z Mushi (mwenye kofia) akisikiliza maelezo katika semina hiyo

Akitilia mkazo umuhimu wa zoezi hili na kuwaondoa hofu akiahidi kutochelewa kwa vitambulisho hivyo,bwana Mtugani alitoa wito kwa wanafunzi pamoja na wote waliohudhuria kuwa mabalozi wa ujumbe huu kwa njia itakayoshawishi na wengine kujiandikisha na kujiepusha na uvumi unaoenea kuwa serikali imeshindwa kuendesha zoezi hili.

Wakizungumza na mtanadao huu baadhi ya wanafunzi wa chuo hicho walieleza kuwa wameupokea ujumbe huo na wapotayari kuutekeleza kwa matendo.

Semina hii inafuatia semina kama hiyo iliyofanyika siku ya Jumatano katika chuo kikuu cha Mwenge kilichopo mkoani Kilimanjaro.

Baadhi ya waajiriwa wa Chuo cha kumbu kumbu ya Stefano Moshi kampasi ya mjini wakifuatilia semina hiyo

Mwanafunzi katika mkao wa kipekee akisikiliza kwa makini maelezo katika semina hiyo

Picha,Habari na Dickson Mulashani