MANCHESTER CITY BINGWA CAPITAL ONE CUP,

 

MANCHESTER imetwaa Kombe la Ligi England, maarufu kama Capital One Cup baada ya kuifunga kwa penalti 3-1 Liverpool Uwanja wa Wembley kufuatia sare ya 1-1 ndani ya dakika 120. Shujaa wa Man City leo alikuwa ni kipa Willy Caballero aliyeokoa penalti tatu na kukipa taji la Capital One kikosi cha Manuel Pellegrini, baada ya kiungo Yaya Toure kufunga penalti ya mwisho. Emre Can pekee alifunga penalti ya Liverpool, wakati za Lucas, Philippe Coutinho na Adam Lallana zilichezwa na Caballero, huku za City zikitiwa nyavuni na Sergio Aguero, Jesus Navas na Toure, baada ya Fernandinho kukosa ya kwanza. 

Willy Caballero akiwa amebebwa na wachezaji wenzake wa Manchester City baada ya kuokoa penalti tatu na kuipa timu hiyo taji la Capital One Uwanja wa Wembley
Katika mchezo huo uliokuwa mkali na wa kusisimua, Fernandinho alianza kuifungia Manchester City dakika ya 49, kabla ya Philippe Coutinho kuisawazishia Liverpool dakika ya 83.