EURO 2016: NYOTA YA GIROIUD YANG'ARA ,WENYEJI UFARANSA WAKITUA NUSU FAINALI KWA KISHNDO

Giroud akiifungia Ufaransa kwa guu la kushoto dakika ya 12

Wenyeji wa michuano ya Euro 2016 - Ufaransa wametinga hatua ya nusu fainali kwa kishindo baada ya kuitandika Iceland 5-2 katika mchezo uliopigwa usiku wa kuamkia leo.

Pogba akijitwisha kichwa kilichozaa bao la pili 

DAB:: Pogba akishangilia kwa staili maarufu kwa jina la Dab

Iceland iliyoing'oa England katika hatua ya mtoano, ilishindwa kabisa kufurukuta na kujikuta ikienda mapumziko ikiwa nyuma kwa bao 4-0 kwa magoli yalifungwa na Olivier Giroud, Paul Pogba, Dimitri Payet na Antoine Griezmann katika dakika ya 12, 19, 43 na 45.

Winga mahiri wa klabu ya WestHam United ambaye amekuwa moto wa kuotea mbali katika michuano hii  akipachika bao la tatu kwa Ufaransa

Kipindi cha pili kilianza kwa kasi ambapo  Iceland walifanikiwa kupata bao kupitia kwa Kolbeinn Sigthorsson kunako dakika ya 56 kabla Olivier Giroud hajaifungia Ufaransa bao la tano dakika ya 56 huku  Birkir Bjarnason akiipa bao la pili Iceland dakika ya 84.

Kiungo wa Iceland Birkir Bjarnason  akiindikia bao la pili timu yake katika dakika za lala salama