VITU VYA KUEPUKA KATIKA MITANDAO UNAPOFANYA BIASHARA

Na Phenty Kiria

Mpendwa msomaji wangu, karibu katika mfululizo wa makala zetu. Leo nakuletea  elimu ya nini uepuke unapokuwa unafanya biashara yako mtandaoni. Bila ya shaka hakuna aliyeanzisha na anayefanya biashara anatamani apate faida na pia ikue. Baadhi ya wafanyabishara mitandaoni wamekuwa wakilalamika kuwa biashara zao hazikui japokuwa wana sponsor page zao, wanalipa waraghabishi kutangaza biashara zao. Zipo sababu nyingi lakini hizi ni baadhi ya sababu zinazopelekea kutokukua na kudumaa kwa biashara mitandaoni tafadhali ziepuke;

 

  KUTOWEKA BEI YA BIDHAA

Wafanyabiashara wengi sasa hivi hawataki/ hawapendi kuweka bei ya bidhaa kwa sababu wanataka kuuza bei tofauti kutokana na mtu atakae mtafuta. Mfano mtu yeyote maarufu akimuulizia bei atamtajia bei kubwa akiamini ana pesa, au mtu ambae hamjui atamuuzia bei ya kawaida. Lakini pia watu wengi hawapendi kumfuata mtu DM wengine wanaona uvivu, wengine wanajua dalali au tapeli. Kuweka bei ya bidhaa inafaida nyingi

1. Kuongeza uaminifu kwa wateja

2. Kukuza biashara yako

3. Kuongeza wafuasi katika ukurasa wako wa biashara

 ( ambao ndio wateja wenyewe)

4. Husaidia katika utafutaji masoko ( marketing ); kuna muda utahitaji kufanya sales sasa ni muhimu mteja kujua bei imetoka wapi na imeshuka kwa kiasi gani

5. Kupunguza usumbufu wa kuulizwa bei kila mara.

 

KUFUNGA SEHEMU YA UJUMBE (DM)  

Mitandaoni kuna baadhi ya watu ni wasumbufu sana ndio maana watu wengi hawapendi kuacha sehemu zao za ujumbe wazi lakini wewe kama mfanyabiashara unaetaka kukuza biashara yako unahitaji kuacha sehemu yako ya ujumbe wazi ili mteja aweze kuwa uhuru kuuliza kitu chochote. Lakini wafanyabiahara wengi wamekuwa na tabia ya kufunga sehemu zao za ujumbe, wengi wakiandika kabisa “usije sehemu za ujumbe piga simu” hii ni mbaya kwa sababu unapoteza wateja wengi sana bila kujua, na sio kila mtu anapenda kuongea na simu.

Kama mfanyabiashra na hupendi shida zinazotokana na sehemu za ujumbe nakushauri mtafute mtu atakaekuwa ana manage ukurasa wako hata kama kwa kumlipa au kutomlipa ili aweze kujibu jumbe za watu lakini pia kujibu kwa wakati.

 

KUWEKA UKURASA WAKO PRIVATE

Wafanyabiashara wengi hawana elimu juu ya biashara za mtandaoni wengi wamenza biashara hii bila kujua nini wanatakiwa kufanya na nini hawatakiwi kufanya, watu wengi (Instagram na twitter) wameweka kurasa zao private lakini pia baadhi ya wafanyabiashara  wameweka kurasa zao private. 

Kuweka ukurasa wako private wewe kama mfanyabiashara inakupotezea fursa nyingi sana bila wewe kujua maana wateja wako watakuwa ni wale wale wa kila siku waliopo mpaka pale utakapoamua wewe kuongeza. Lakini pia kuna watu wengine watapenda kuongea na wewe jinsi ya kukusapoti na wakashindwa kutokana na kuwa private.

    

KUWEKA UJUMBE KUFUTIKA BAADA YA MUDA (DISAPPEARING MESSAGE)

Mtandao wa WhatsApp umeleta madaliko mtu anaweza kuweka jumbe zake kupotea kila baada muda fulani. Hii kwa mfanyabishara sio nzuri maana unapoteza taarifa muhimu za mteja wako, mfano mtu alikuuliza bei ya bidhaa zako lakini hakununua ila baada ya wiki akarudi nakusema anataka ile bidhaa, na ujumbe wake ushapote, hivyo itakupasa kuanza kuulizia upya ni nini anataka wateja wengine hawapendi na wanaweza wasijibu na hivyo wasinunue pia.

 

 

   EPUKA KUWEKA MAELEZO MAREFU / KUTOWEKA KABISA

(CAPTION)

Kuna baadhi ya wafanyabiashara wanapenda kuandika vitu vingi sana wanapotangaza biashara zao lakini pia wapo wasioandika kabisa, wote hawa wanafanya vitu tofauti lakini wote wanapoteza wateja. Sio kila mtu anapenda kusoma hivvo akiona maneno mengi anapita tuu, huyu asie andika kabisa mtu hawezi elewa bei au anapatikana wapi nk. Andika kwa ufupi ili uweke urahisi wateja zako kusoma, mfano

         “Dawa ya kuzuia meno kuuma na kuoza

           Bei; ………..

           Piga/ WhatsApp: ……..”

Hakikisha tangazo lako linaelezea faida ya bidhaa yako yaani kwa nini mteja anunue bidhaa yako? Bila kuelezea faida ya bidhaa yako mteja hawezi jua kwa nini anunue kitu chako asinunue kwa mtu mwingine.

 

LUGHA

Ni vizuri ukajua soko lako ni lipi, ukishajua soko lako ni lipi unaweza jua ni lugha ipi utumie mara nyingi. Mfano ukijua soko lako lipo Uganda, Kenya na Zambia kuliko Tanzania basi ni vizuri ukatumia kingereza mara kwa mara lakini kama soko lako unaona lipo Tanzania ni vizuri Kiswahili mara nyingi ili kupata wateja sio kwamba usitumie kingereza kabisa, hapana

   Ki bongo bongo watu wakiona kingereza kingi katika matangazo yako wanajua bei ni kubwa hata hawaangalii tena bei wanapita tuu. Hivyo fanya tafiti  jua wateja wako wanaokuja mara kwa mara kununua au kuulizia bei wanatumia lugha gani, hii ni njia moja wapo ya kuweza kujua soko lako lipoje.

  

USIFUTE MAZUNGUMZO YAKO NA MTEJA.

Tunashauri kutofuta mazungumzo yako na mteja hata kama amenunua tayari bidhaa yako, kwa nini? Sio kila mtu atapenda kazi yako mtu anaweza sema amelipia bidhaa yako na hajapokea na uthibitisho wa kutuma pesa akatuma mtandoni hii moja kwa moja utaitwa tapeli na madhara yake ni makubwa maana utapoteza wateja wote hata wa zamani ambao walishanunua kwako. 

Lakini kama ama una mazungumzo yote mliofanya unaweza weka picha zake (screenshort) na kila mmoja akaona kwamba ni kweli alipokea mzigo wake, ni muhimu kumuuliza mteja kama kapokea mzigo wake, pia  kumwambia karibu tena sio akaribie tu tena siku nyingine lakini ni ishara kwamba mzigo umemfikia. Naomba kuwakumbusha kuwa  kujenga brand ni kazi ngumu sana lakini kuibomoa ni rahisi sana.

 

Vipo vitu vingi visohitajika katika biashara za mitandaoni lakini hizi za leo ni vitu vikubwa vya kutofanya. Teknolojia inakuja na faida zake lakini pia na changamoto zake ni vizuri tukatumia mitandao kama njia ya kutuongezea vipato au njia ya kukuza akili zetu.              

Ni Imani yangu kuwa mwaka 2023 utaenda kupiga hatua kubwa katika namna ya uendeshaji wa biashara yako mtandaoni..... NAKUTAKIA HERI YA MWAKA MPYA

Read More

VIKWAZO VYA UJASIRIAMALI KATIKA MFUMO WA DIJITI (DIGITAL)

 

Na Phenty Kiria

Hizi ni kati ya sababu zinazofelisha wajasiriamali / wafanyabiashara wengi kuanzisha , kukuza na kufanikiwa katika biashara zao.

KASI YA MABADILIKO YA TEKNOLOJIA

Tafiti zinaonyesha 93% za wafanyabiashara wadogo wadogo hutumia teknolojia na wanakiri inaendelea kukuza na kuwatangazia biashara.

Ili kuweza kutangaza biashara yako/bidhaa yako mitandaoni katika kipindi hiki cha techonolojia unatakiwa kuwa na kamera au simu yenye kamera nzuri. Picha nzuri ya bidhaa yako ndio kitu cha kwanza kwa mteja huvutiwa nacho na kuanza kufatilia bidhaa yako kupitia ukurasa wako. Lakini kutokana na gharama kubwa ya simu hizi zilizo na camera nzuri  wafanyabiashara / wajasiliamali wachache wanaoweza kumudu kununua na kuitangaza /kukuza biashara zao.  

 

 GHARAMA ZA VIFURUSHI (DATA)

Bundle limekuwa kilio kwa vijana wengi hasa wanaofanya biashara mitandaoni, hasa biashara za hashtag, wanaotumia mitandao kufanya kazi za freelancing, wanaosoma kutipitia mitandaoni. Kama mfanyabishara unatakiwa kuwepo mtandaoni 24/7 ili kuweza kuopost, kuwasiliana na wateja. Lakini kutokana bei za bundle kuwa kubwa na vifurushi kupunguzwa vijana wengi wameshindwa kuwepo mtaondaoni 24/7.

Hasara yake  ni kupoteza wateja, kupoteza ushawishi wa bidhaa yako mtandaoni. Muhimu serikali kuangalia hili ili kuweza kuwasaidia vijana kukuza biashara zao lakini pia nchi kukua katika sector ya digital, kumbuka data is life.

NDOA 

Kati ya kikwazo kikubwa hasa kwa wanawake wanaojihusisha na biashara au ujasiliamali ni ndoa. Tafiti zinaonyesha  wanawake wengi ambao hawapo kwenye ndoa ni wafanyabiashara kulinganisha na waliopo kwenye ndoa. Lakini pia tafiti zinaonyesha wanawake wengi wameacha kufanya biashara au ujasiliamali baada ya kuingia kwenye ndoa, kutokana na majukumu kuongezeka, hali za uzazi, lakini pia wanaume zao kuwakataza kufanya biashara sababu kubwa ni wivu wa kimapenzi.

 

Pia kuna baadhi ya ndoa wanaume hukataza wanawake kutumia simu, tukubaliane sote kuwa katika kipindi hiki cha technologia simu ni muhimu sana.

1. Kwa kutangaza bidhaa / biashara yako ili kuwafikia watu wengi

2.  Kuongea na mteja hasa jinsi ya kufika dukani kwako au jinsi ya kupokea mzigo wake n.k

 KUKOSA CHA KUFANYA

Vijana wengi hufanya biashara au kujiingiza katika ujasiliamali kutokana na kukosa cha kufanya hasa kipindi hiki ajira zilivyokuwa ngumu kupata. Ikitokea kijana kapata kazi  (kuajiriwa) huacha kufanya biashara au kuendelea na ujasilimali. Lakini ni vyema tukakumbuka ni muhimu kuwa na vyanzo vingi vya mapato.

 

JINSIA

Jamii za ki Africa zimetenganisha kazi kutokana na jinsia. Kazi ya mwanamke katika jamii nyingi ni mlezi, kufanya kazi zote za nyumbani wakati huo mwanaume akijulikana kama mtafutaji. Kupitia hii imefanya baadhi ya wanawake kutojiamini, kuwa na uoga na kushindwa kabisa kuanzisha biashara yoyote. Baadhi ya wanawake wameondoa hofu na wameweza kuanzisha biashara zao lakini kukosekana kwa mitaji mikubwa imepelekea kutokuza biashara zao.

Katika ulimwengu huu wa digitali wanawake wanatakiwa kufanya biashara zao ki digitali lakini kutokana na jamii nyingine kumkataza mwanamke kuwa na simu au kutumia simu imeafanya wanawake wengi kushindwa kuanzisha, kukuza, biashara zao hasa kupitia mitandao ya kijamii.

 

KUPANDA NA KUSHUKA KWA BIASHARA

Hakuna kitu kinapatikana kwa urahisi lakini pia hakuna maisha ya mtereko kuna milima na mabonde kwahiyo ukigundua hili ni rahisi kufanya biashara. Katika biashara kuna kipindi utauza sana na kupata pesa sana na ndio kipindi unatakiwa ujue jinsi ya kujitangaza, kutumia pesa na kukuza biashara yako,  kuna kipindi biashara huwa ngumu sana na hapa wengi hukata tamaa na kuona bora waaache kufanya biashara lakini hiki ndio kipindi cha kujifunza na kuwa na uvumilivu. Sala ni muhimu sana katika biashara yoyote. 

DINI / IMANI

Ukiachana na tamaduni za AfriKa kuwa kikwazo katika kuanzisha biashara mbalimbali hasa kwa  wanawake wakiamini kwamba sio kazi zao. Lakini pia tumeona baadhi za dini kuzuia waamini wao kufanya biashara fulani mfano; biashara ya pombe, uuzaji wa sigara wakiziona kuwa ni dhambi. 

Mfano mwingine kuna baadhi ya dini haziruhusu waamini wao kufanya ujasiliamali wa kufuga baadhi ya mifugo wakiamini ni haramu.

 

 KUTOJUA NJIA ZA KUPATA MASOKO

Ni muhimu kwa mfanyabiashara kujua mbinu tofauti tofauti za kupata masoko, katika kipindi hiki cha dijiti watu wengi hujitangaza kupitia mitandao ya kijamii yaani facebook, twiiter, WhatsApp, na Instagram. Hii mitandao ya kijamii ina njia zake pia za kujitangaza ambazo zimetofautiana pia kama mfanyabiashara au mjasiliamali unatakiwa kuzijua, mfano; ku sponsor tangazo ( kwa Instagram), kutumia markert place ( kwa facebook), kupost status kwa uchache ( whatsApp). Hizi zote ni njia za kutafuta masoko kupitia mitandao.

Ni muhimu sana kwa mfanyabiashara au mjasiliamali kufanya ‘sale’( mnada) mara kadhaa sio kwa sababu bidhaa zimekuwa nyingi unataka utoe hapana. Faida ya kufanya sale ni kujenga uaminifu kwa wateja zako. Kupitia kufanya mnada wateja watapeana taarifa na hivyo kuongeza idadi ya wateja / watu wanaojua biashara yako. Hivyo kutojua njia za kupata masoko huzui biashara kukua na mwisho inakufa kabisa kutokana na ushindani kuwa kubwa sana.

Read More

IDADI NDOGO YA WANANCHI KUTUMIA HUDUMA ZA KIBENKI KUNACHANGIA KUCHAKAA HARAKA KWA FEDHA

Meneja Msaidizi wa Benki Kuu, (BoT) , kutoka Kurugenzi ya Huduma za Kibenki, Bw.Abdul M. Dollah, akitoa mada juu ya

Huduma za Kibenki  Benki Kuu ya Tanzania

NA K-VIS BLOG/Khalfan Said

IDADI ndogo ya Watanzania wanaotumia huduma za kibenki kunachangia pakubwa kuchakaa haraka kwa fedha.

Hayo yamesemwa na Meneja Msaidizi wa Benki Kuu, (BoT) , kutoka Kurugenzi ya Huduma za Kibenki, Bw.Abdul M.Dollah, wakati akijibu maswali ya Washiriki wa Warsha ya Waandishi wa habari za Uchumi na Fedha, inayoendelea kwenye ukumbi wa BoT tawi la Zanzibar, leo Machi 30, 2017 waliotaka kujua ni kwa nini fedha za noi zinachakaa haraka hususan shilingi 500 na shilingi 1,000/_

“Ubora wa karatasi zinazotumika kutengenezea noti zetu unalingana, lakini matumizi makubwa ya noti hizo zilizotajwa, zinapita kwenye mikono ya idadi kubwa ya watu na hivyo kupelekea kuchoka haraka.” Alifafanua

Akifafanua zaidi alisema, Idadi ya Watanzania kwa sense iliyofanyika mwaka 2012 ni Milioni 48, lakini kati ya hao ni Watanzania Milioni 4 tu ndio wanatumia huduma za kibenki, (kuwa na akaunti benki), na idadi ya waliosalia, hutunza wenyewe fedha hizo.

Utunzaji mbaya wa fedha na hali ya hewa ya baadhi ya maeneo nchini, huchangia kuchakaa haraka kwa fedha “ Kwa mfano, kule Tanga maeneo ya Lushoto na Kibondo mkoani Kigoma, kutokana na rangi ya udongo wa sehemu hizo, utakuta fedha inachakaa haraka sana, alisema Bw.Dollah.

Akielezea majukumu ya Kurugenzi ya Huduma za Kibenki ya Benki Kuu ya Tanzania, (BoT), Bw. Dollah alisema, Sheria namba Nne (4) ya BoT, imeipa kurugenzi hii jukumu la kusanifu, kutoa, kusambaza na kuharibu fedha,(noti na sarafu), zilizochakaa.

Pia Kurugenzi hii ina jukumu la kutoa huduma za kibenki kwa serikali zote mbili, (Jamhuri ya Muungano wa Tanzania na ile ya Mapinduzi Zanzibar).

Alisema jukumu lingine kubwa la Kurugenzi hiyo ni kuhakikisha uwepo wa noti na sarafu kwa uwiano wa kutosha kwenye uchumi, “hatuwezi kuingiza fedha nyingi kwenye uchumi bila ya kuangalia uwiano wa uzalishaji na kiwango cha fedha”.aliongeza.

Akizungumzia kushuka na kupanda kwa thamani ya fedha ya Tanzania, (TZS), Mchumi Mwandamizi wa BoT, kutoka Kurugenzi ya Utafiti na Sera za Uchumi, wa BoT, Bw. Lusajo Mwankemwa, alisema, miongoni mwa sababu zinazopelekea hali hiyo ni uhitaji wa fedha yetu, (TZS), katika soko(mzunguko).

“Ili fedha yetu (TZS), iwe na thamani lazima uhitaji wake uwe mkubwa katika soko, na ikitokea kwamba fedha yetu inahitajika kwa wingi basi fedha yetu itapanda thamani na hii itatokana na kuongeza uzalishaji na kuuza bidhaa zetu nje, lakini endapo uzalishaji utapungua, na Nchi ikaingiza kwa wingi bidhaa kutoka nje, itapelekea uhitaji wa Shilingi kupungua na hivyo thamani yake pia itapungua.” Alisema Lusajo. Na kushauri taifa kama taifa liongeze thamani ya bidhaa ili ziweze kuuzwa nje na hivyo kuongeza uhitaji wa fedha yetu.

Aidha, BoT, imesema, utafiti mdogo iliyofanya umeonyesha kuwa wateja wengi katika benki za biashara, wanapokwenda kuchukua fedha, hupokea fedha (noti), za thamani ya juu yaani 10,000, na 5,000 licha ya kuwa wengine wangependa kupewa fedha ndogo ndogo kwa ajili ya urahisi wa kupata chenji.

 “Ni haki ya mteja wa benki za biashara anapokwenda kuchukua fedha benki, kudai apewe fedha za chenji (fedha ndogo ndogo, yaani 500/- 1,000,000/ na 2,000/=, ili kumrahisishia anapokwenda kufanya manunuzi asipate shida ya chenji.” Meneja Msaidizi Idara ya Uhusiano wa Umma na Itifaki, Bi Vicky Msina alibainisha.

Washiriki wa semina, wakiangalia noti ya Sh. 10,000, ili kutambua kama ni halali au so halali.

Maafisa wa BoT, Bw. Lusajo Mwankemwa, (kulia), na Bw. Mohammed na Mohammed Kailwa, wakijadiliana jambo kwenye komppyuta

Meneja Msaidizi Idara ya Uhusiano wa Umma na Itifaki wa BoT, Bi.Vicky Msina, (kulia), akizungumzia kuhusu haki ya mteja wa benki ya biashara kupewa Fedha ndogondogo kama atahitaji. Kushoto ni Bw. Abdul M. Dollah. 

Bw. Abdul M. Dollah, akitoa mada juu ya Huduma za Kibenki

Bi. Flora Nkondola kutoka EFM, akitazama uhalali wa noti ya Shilingi elfu 10,000/=

Baadhi ya washiriki wakifuatilia mada iliyokuwa ikitolewa

Baadhi ya maafisa kutoka BoT

Mtangazaji wa Channel Ten, Bi. Dorcas R. Mtenga, akizungumza

Bw. Dollah akitoa mada

Mchumi Mwandamizi wa BoT, kutoka Kurugenzi ya Utafiti na Sera za Uchumi, wa BoT, Bw. Lusajo Mwankemwa, akitoa ufafanuazi kuhusu kwa nini thamani ya shilingi ya Tanzania inapanda na kushuka

Bw. Dollah(kushoto), akiwa na Afisa Uhusiano Mkuu, Idara ya Uhusiano wa Umma na Itifaki, BoT, Bw. Lwaga Mwambande

Maafisa wa BoT

Read More