(USAID) YAWAKWAMUA AKINA MAMA WAJASIRIAMALI WILAYA YA MBOZI MKOANI SONGWE

Akina mama wajasiriamali wa Wilaya ya Mbozi wakiandamana ikiwa ni sehemu ya maadhimisho ya siku ya wanawake Duniani

Na Tadeo Jackson

Mradi wa  nafaka   unaofadhiliwa na shirika la kimarekani (USAID)ambao unajukumu la  kuboresha  mifumo ya  masoko kwa sekta binafsi  umeweza kufika katika kijiji Isansa wilaya ya Mbozi mkoani  Songwe kwa lengo la kuwahamasisha na kuwapa elimu  wanawake ambao wamejikita  katika shughuli za ujasiriamali.

Katika kuadhimisha siku ya wanawake  duniani, mradi wa nafaka  ulitoa elimu kwa wananchi wa Isansa kuunda vikundi ili kuweza kupata msaada wa kielimu juu ya utunzaji wa mazao mbalimbali  wanayolima.

Ikiwa ni mojawapo ya malengo   ya mradi  wa nafaka  hasa  katika kuboresha  ushindani na kuongeza   tija, faida na lishe bora kwa walengwa  kupitia uboreshaji wa mifumo ya usambazaji pembejeo, pia  umairishaji wa taasisi na rasilimali watu na uboreshaji wa kusindika mahindi na mpunga.

Mkazi wa Wilaya ya Mbozi kijiji cha Isansa Magdalena   Edward Haule akielezea namna alivyofaidika na Mradi unaofadhiliwa na (USAID)

Magdalena   Edward Haule  ni miongoni mwa akina mama  kutoka katika kijiji cha Isansa ambaye amepata faida  kubwa kutoka  katika mradi wa nafaka  baada ya kupata mafunzo juu ya  utumiaji wa pembejeo za kilimo na  namna anavyotakiwa kutunza mazao bila kuharibiwa na  wadudu waharibifu wa mazao.

 Bi haule  amesema alijiunga na mradi wa nafaka tangu mwaka 2015 na kuanzia mwaka huo na kupata  mafunzo mengi  ambayo   yameendelea kumsaidia  yeye na kikundi walichokiunda kwa minajili ya kupata misaada ya kielimu kutoka  Mradi wa Nafaka.

Na miongoni mwa mafunzo aliyoyapata  mama huyu ni pamoja na matumizi mazuri  ya mbolea, namna ya kupanda, kuvuna, kupukuchua mahindi na namna ya kuifadhi  mazao baada ya kuyavuna kutoka shambani.

Pamoja na hayo Bi Haule  ametaja faida ambazo wamezipata kupitia mradi wa  nafaka hasa katika  utunzaji wa  pamoja wa  mazao kama kikundi na kuweza kuuza kwa pamoja, pia  faida nyingine alizopata ni pamoja na jinsi ya kutunza mazao bila kuharibika kwa muda mrefu.

Naye Mratibu wa nafaka  katika Wilaya ya Mbozi Ibrahimu Mkwiru  amekuwa katika mstari  mbele katika kuwaelimisha  wakulima wa vijiji mbalimbali katika wilaya ya mbozi ili  waweze kupata maendeleo kupitia shughuli mbalimbali za kiujasiriamaki ikiwa ni pamoja na kilimo na kuwamasisha wanawake waweze kujishughulisha kuliko kumtegemea mwanaume kwa kila kitu.

 Mratibu wa nafaka  katika Wilaya ya Mbozi Ibrahimu Mkwiru akiongea na wajasiriamali waliofika katika maadhimisho hayo

Bwana Mkwiru alisema kuwa Mradi wa Nafaka umewalenga wakulima hasa vijana na wanawake katika  kuwanyeyua  na kuwashirikisha  katika kuwapa elimu mpya ya  kiteknolojia hasa ukulima.

Mpunga na mahindi ni mazao muhimu ya chakula  yanayozalishwa na wakulima wadogowadogo nchini Tanzania pia Mradi wa Nafaka unalenga kuendeleza shughuli za awamu ya  kwanza  ya Mradi wa Nafaka ambao ulibuni mifumo bora  ya kiteknolojia inayoweza kuigwa katika sehemu na nyanya mbalimbali.

Shughuli za Nafaka pia zinalenga kuendeleza  mafanikio ya kazi ya Mradi wa (USAID), Tuboreshe chakula  ambao uliendeleza  kishe jwa njia  ya kurutubisha  vyakula  kwa kuongeza viini lishe  na kuboresha   usindikaji wa  mazao na kusababisha  ongezeko la  uhitaji wa unga na mahindi wenye viini lishe.