MULIKA TANZANIA YAZIDI KUWAFIKA MACHINGA NA KUWAJENGEA UWEZO

 

Taasisi ya Mulika Tanzania imewajengea uwezo kwa kundi maalumu la Wamachinga  15 kwa ajili ya uainishaji wa vituo vya Afya vinavyotoa huduma ya Afya ya Uzazi katika Wilaya ya Temeke.

Akizungumza wakati wa kufungua mafunzo hayo Afisa Vijana wa Wilaya ya Temeke Anne Marica amesema sasa ni wakati wa vijana kufanya maamuzi yaliyo sahihi hasa kwenye suala la Afya ya Uzazi ili kuweza kuendana na sera ya Taifa ya maendeleoya vijana ya mwaka 2007.

Amewasisitiza kuandaa Taarifa halisi ili kuweza kuendana na uhalisia wa hasa kwenye elimu ya Afya ya Uzazi na namna ya kupata Taarifa sahihi kwenye vituo vya Afya vilivyopo katika Wilaya ya Temeke.

Naye Mkurugenzi wa Taasisi ya Mulika Tanzania Bw. Hussein Melele amesema leo lengo kubwa ni kuviainisha vituo vya Afya vinavyotoa huduma ya Afya ya Uzazi katika Wilaya ya Temeke ili kuweza kwenda kupata Taarifa za vijana ili kuona ni kwa namna gani wanaweza kutatua changamoto ya vijana kwenda au kutokwenda kwenye vituo vya Afya.

Huu ni muendelezo wa programu ya IMARIKA ambayo sasa ipo katika awamu ya pili, na tayari wachuuzi wa mitaani zaidi ya 70 wamepewa taarifa za kina na mwongozo wa kupata mikopo kutoka Mamlaka za Serikali za Mitaa (LGA) na katika kuweka muendelezo wa elimu hii, wachuuzi 15 walichaguliwa na kuwezeshwa na maarifa muhimu ili kuwa Wakufunzi wa Wakufunzi (ToT) kwa lengo kuwawezesha kuongoza na kusaidia wengine kwa ufanisi katika shughuli zao za kila siku.

Katika kuutekeleza mradi huu, Mulika Tanzania inashirikiana na Shirika la Umoja wa Mataifa la Idadi ya Watu Duniani (UNFPA), na miongoni mwa mambo yanayotekelezwa ni kutoa elimu ya afya ya uzazi, stadi za maisha elimu, na ushiriki wa vijana katika maeneo ya uongozi yaliyolengwa mahususi kwa wafanyabiashara ndogo ndogo wa mitaani, wanaojulikana kwa jina la "Machinga," katika Wilaya ya Temeke Dar-es-Salaam.

Afisa Vijana wa Wilaya ya Temeke Anne Marica kitoa ufafanuzi kuhusu namna ya kutafuta Taarifa kwenye vituo vya Afya kwa kundi maalumu la Wamachinga waliojengewa uwezo (ToT) wanakutana kwa ajili ya uainishaji wa vituo vya Afya vinavyotoa huduma ya Afya ya Uzazi katika Wilaya ya Temeke wakati wa semina iliyoandaliwa na Taasisi ya Mulika Tazanania na kufanyika katika ofisi za Taasisi hiyo iliyopo Kinondoni jijini Dar es Salaam.

Mkurugenzi wa Taasisi ya Mulika Tanzania Bw. Hussein Melele akizungumza kuhusu namna watakavyoweza kuviainisha vituo vya Afya vinavyotoa huduma ya Afya ya Uzazi katika Wilaya ya Temeke wakati wa warsha ya kuwajengea uwezo kwa kundi maalumu la Wamachinga  15 yaliyifanyika katika ofisi za Taasisi hiyo iliyopo Kinondoni jijini Dar es Salaam.

Mfanyabiashara mdogo Rajabu Kindamba akitoa maelezo kuhusu maswali watakayokwenda kuuliza wakati warsha ya kuwajengea uwezo kwa kundi maalumu la Wamachinga  15 watakavyoweza kuviainisha vituo vya Afya vinavyotoa huduma ya Afya ya Uzazi katika Wilaya ya Temeke 

Mfanyabiashara mdogo Winnie Hisluck akizungumza namna watakavyokwenda kutafuta Taarifa wakati wa warsha ya kuwajengea uwezo kwa kundi maalumu la Wamachinga  15 watakavyoweza kuviainisha vituo vya Afya vinavyotoa huduma ya Afya ya Uzazi katika Wilaya ya Temeke.

Mratibu wa mradi wa Imarika, Winfrida Mponzi akitokea ufafanuzi maswali yatakayoulizwa kwenye vituo vya Afya vinavyotoa huduma ya Afya ya Uzazi katika Wilaya ya Temeke wakati wa warsha ya kuwajengea uwezo kwa kundi maalumu la Wamachinga  15 iliyofanyika katika ofisi za Taasisi hiyo iliyopo Kinondoni jijini Dar es Salaam.

Picha ya pamoja 

Read More

MACHINGA ZAIDI YA 50 WAKUTANA KUJADILI SERA YA VIJANA TEMEKE

Mkurugenzi Mtendaji wa Mulika Tanzania Bw. Hussein Melele akifungua warsha ya kujadili sera ya vijana iliyofanyika katika ukumbi uliopo Uwanja wa Mpira wa Benjamin Mkapa

Afisa Maendeleo ya Vijana Mkoa wa Dar es Salaam Bw. Masalida Njashi akiwasisitiza jambo washiriki kutoka Wilaya ya temeke walioshiriki katika warsha ya kujadili sera ya vijana iliyofanyika katika ukumbi uliopo Uwanja wa Mpira wa Benjamin Mkapa

Afisa Maendeleo ya Vijana Kutoka Ofisi ya Waziri Mkuu kazi Vijana Ajira na Wenye Ulemavu Bi. Amina Sanga akizungumza wakati wa warsha hiyo

Na Mwandishi Wetu

Kwa ushirikiano na Shirika la Umoja wa Mataifa la Idadi ya Watu Duniani (UNFPA), Mulika Tanzania inatekeleza mradi wa Imarika ambao miongoni mwa mambo yanayotekelezwa ni kutoa elimu ya afya ya uzazi, stadi za maisha elimu, na ushiriki wa vijana katika maeneo ya uongozi yaliyolengwa mahususi kwa wafanyabiashara ndogo ndogo wa mitaani, wanaojulikana kwa jina la "Machinga," katika Wilaya ya Temeke Dar-es-Salaam.

Machinga zaidi ya 70 , wameshiriki warsha hii ambayo ni Utekelezaji wa awamu ya 2 ya Afua ya Imarika kwa lengo la kuipitia na kujadili sera ya maendeleo ya vijana (2007) inayotumika sasa na wajibu wa machinga katika sera hiyo lakini pia uainishaji wa vituo vya Afya vinavyotoa huduma ya Afya ya Uzazi.

Akizungumza wakati wa kufungua warsha hiyo, Mkurugenzi Mtendaji wa Mulika Tanzania Bw. Hussein Melele amesisitiza kuwa Mulika inawalenga zaidi vijana kwasababu ni kundi la upekee sana katika kuleta ustawi kwenye jamii kama litapatiwa taarifa, elimu na fursa sahihi.

"Kama ambavyo jina letu linasadifu, Lengo letu ni kuzimulika fursa kwenu ninyi vijana wenzetu ili kesho yetu ikawe bora zaidi ya leo. Nafahamu nyote ni wafanyabiashara ndogo ndogo pamoja na elimu ya afya ya uzazi, namna ya kupata mikopo isiyoumiza, kukutana kwenu ni eneo muhimu la kuwakutanisha ili mfahamiane na mbadilishane uzoefu, mnafahamu mahusiano chanya ndio mtaji mkuu katika kukua naomba sana mfahamiane na mjenge undugu utakaowafaa nyote" alisema Bw. Melele.

Afisa Maendeleo ya Vijana Mkoa wa Dar es Salaam Bw. Masalida Njashi aliwashukuru vijana kwa kutii wito na kuhudhuria warsha hiyo na kuwasihi wazingatie yote yatakayojadiliwa na kuwasisitiza kuutumia muda wao kusikiliza na kuuliza maswali ili kuhakikisha suala la sera ya Vijana.

Wakati wa kutoa elimu kuhusu sera ya vijana ya mwaka 2017, Afisa Maendeleo ya Vijana Kutoka Ofisi ya Waziri Mkuu kazi Vijana Ajira na Wenye Ulemavu Bi. Amina Sanga alijikita katika kueleza mchakato wa mwanzo wakati wa utengenezwaji wa sera hiyo mwaka 2017 ambapo amesisitiza yale yaliyokuwa yakitizamwa kama mambo mazito yamebadilika na sasa sera hii pamoja na yote inahitaji maboresho.

"Sera ya Taifa ya Maendeleo ya Vijana ya Mwaka 2007 ilikuwa na changamoto ya utekelezaji kutokana na Mabadiliko tofauti tofauti. Sera mpya ya Maendeleo ya Vijana ijayo itakuwa na marekebisho ya namna ya utekelezaji wake ila nataka mfahamu kama vijana wenzangu, pamoja na yote sera hii imelenga katika kumjengea kijana wa Kitanzania ustawi bora kabisa katika nyanja za afya na uchumi. Serikali yetu pendwa imejipanga kuhakikish mazingira ya vijana ni bora sana kwa maslahi mapana ya taifa letu" alisisitiza Bi. Amina

Pia Bi. Amina amsesema Maboresho ya Sera ya Maendeleo vijana ya 2019, imeongeza maeneo mengine kulingana na mabadiliko ya kijamii na teknolojia. Maeneo hayo ni Afya ya Akili, Matumizi ya TEHAMA na Afya Ya Uzazi.

Akizungumza kwa niaba ya washiriki wenzake, mfanyabiashara wa mashuka Katika soko la kariakoo Bw. Hamad Saidi ameishukuru Mulika Tanzania kwa kuandaa warsha hii kwani imeendelea kuwajengea uelewa mkubwa juu ya sera na mikakati ambayo ipo kwa ajili ya vijana.

Baadhi ya Vijana wakifuatilia mjadala katika warsha hiyo

Wakati wa awamu ya awali ya afua hii, Mulika Tanzania ilijikita katika kuwapa wachuuzi wa mitaani maarifa muhimu juu ya Uzazi wa Ngono Afya, ikiwa ni pamoja na mada kama vile ukatili wa kijinsia (GBV), stadi za maisha, ujuzi wa kifedha, na ujuzi wa uongozi.

Wakati programu ikiendelea katika awamu ya pili, wachuuzi wa mitaani walipewa taarifa za kina na mwongozo wa kupata mikopo kutoka Mamlaka za Serikali za Mitaa (LGA) na katika kuweka muendelezo wa elimu hii, Kati ya wachuuzi 70 wa mitaani, 10 walichaguliwa na kuwezeshwa na maarifa muhimu ili kuwa Wakufunzi wa Wakufunzi (ToT) kwa lengo kuwawezesha kuongoza na kusaidia wengine kwa ufanisi katika shughuli zao za kila siku.

Afisa Maendeleo ya Vijana Kutoka Ofisi ya Waziri Mkuu kazi Vijana Ajira na Wenye Ulemavu Bi. Amina Sanga akimkabidhi Mkurugenzi Mtendaji wa Mulika Tanzania Bw. Hussein Melele nakala ya sera ya maendeleo ya vijana (2007) inayotumika sasa

Picha ya pamoja

Read More