MACHINGA ZAIDI YA 50 WAKUTANA KUJADILI SERA YA VIJANA TEMEKE

Mkurugenzi Mtendaji wa Mulika Tanzania Bw. Hussein Melele akifungua warsha ya kujadili sera ya vijana iliyofanyika katika ukumbi uliopo Uwanja wa Mpira wa Benjamin Mkapa

Afisa Maendeleo ya Vijana Mkoa wa Dar es Salaam Bw. Masalida Njashi akiwasisitiza jambo washiriki kutoka Wilaya ya temeke walioshiriki katika warsha ya kujadili sera ya vijana iliyofanyika katika ukumbi uliopo Uwanja wa Mpira wa Benjamin Mkapa

Afisa Maendeleo ya Vijana Kutoka Ofisi ya Waziri Mkuu kazi Vijana Ajira na Wenye Ulemavu Bi. Amina Sanga akizungumza wakati wa warsha hiyo

Na Mwandishi Wetu

Kwa ushirikiano na Shirika la Umoja wa Mataifa la Idadi ya Watu Duniani (UNFPA), Mulika Tanzania inatekeleza mradi wa Imarika ambao miongoni mwa mambo yanayotekelezwa ni kutoa elimu ya afya ya uzazi, stadi za maisha elimu, na ushiriki wa vijana katika maeneo ya uongozi yaliyolengwa mahususi kwa wafanyabiashara ndogo ndogo wa mitaani, wanaojulikana kwa jina la "Machinga," katika Wilaya ya Temeke Dar-es-Salaam.

Machinga zaidi ya 70 , wameshiriki warsha hii ambayo ni Utekelezaji wa awamu ya 2 ya Afua ya Imarika kwa lengo la kuipitia na kujadili sera ya maendeleo ya vijana (2007) inayotumika sasa na wajibu wa machinga katika sera hiyo lakini pia uainishaji wa vituo vya Afya vinavyotoa huduma ya Afya ya Uzazi.

Akizungumza wakati wa kufungua warsha hiyo, Mkurugenzi Mtendaji wa Mulika Tanzania Bw. Hussein Melele amesisitiza kuwa Mulika inawalenga zaidi vijana kwasababu ni kundi la upekee sana katika kuleta ustawi kwenye jamii kama litapatiwa taarifa, elimu na fursa sahihi.

"Kama ambavyo jina letu linasadifu, Lengo letu ni kuzimulika fursa kwenu ninyi vijana wenzetu ili kesho yetu ikawe bora zaidi ya leo. Nafahamu nyote ni wafanyabiashara ndogo ndogo pamoja na elimu ya afya ya uzazi, namna ya kupata mikopo isiyoumiza, kukutana kwenu ni eneo muhimu la kuwakutanisha ili mfahamiane na mbadilishane uzoefu, mnafahamu mahusiano chanya ndio mtaji mkuu katika kukua naomba sana mfahamiane na mjenge undugu utakaowafaa nyote" alisema Bw. Melele.

Afisa Maendeleo ya Vijana Mkoa wa Dar es Salaam Bw. Masalida Njashi aliwashukuru vijana kwa kutii wito na kuhudhuria warsha hiyo na kuwasihi wazingatie yote yatakayojadiliwa na kuwasisitiza kuutumia muda wao kusikiliza na kuuliza maswali ili kuhakikisha suala la sera ya Vijana.

Wakati wa kutoa elimu kuhusu sera ya vijana ya mwaka 2017, Afisa Maendeleo ya Vijana Kutoka Ofisi ya Waziri Mkuu kazi Vijana Ajira na Wenye Ulemavu Bi. Amina Sanga alijikita katika kueleza mchakato wa mwanzo wakati wa utengenezwaji wa sera hiyo mwaka 2017 ambapo amesisitiza yale yaliyokuwa yakitizamwa kama mambo mazito yamebadilika na sasa sera hii pamoja na yote inahitaji maboresho.

"Sera ya Taifa ya Maendeleo ya Vijana ya Mwaka 2007 ilikuwa na changamoto ya utekelezaji kutokana na Mabadiliko tofauti tofauti. Sera mpya ya Maendeleo ya Vijana ijayo itakuwa na marekebisho ya namna ya utekelezaji wake ila nataka mfahamu kama vijana wenzangu, pamoja na yote sera hii imelenga katika kumjengea kijana wa Kitanzania ustawi bora kabisa katika nyanja za afya na uchumi. Serikali yetu pendwa imejipanga kuhakikish mazingira ya vijana ni bora sana kwa maslahi mapana ya taifa letu" alisisitiza Bi. Amina

Pia Bi. Amina amsesema Maboresho ya Sera ya Maendeleo vijana ya 2019, imeongeza maeneo mengine kulingana na mabadiliko ya kijamii na teknolojia. Maeneo hayo ni Afya ya Akili, Matumizi ya TEHAMA na Afya Ya Uzazi.

Akizungumza kwa niaba ya washiriki wenzake, mfanyabiashara wa mashuka Katika soko la kariakoo Bw. Hamad Saidi ameishukuru Mulika Tanzania kwa kuandaa warsha hii kwani imeendelea kuwajengea uelewa mkubwa juu ya sera na mikakati ambayo ipo kwa ajili ya vijana.

Baadhi ya Vijana wakifuatilia mjadala katika warsha hiyo

Wakati wa awamu ya awali ya afua hii, Mulika Tanzania ilijikita katika kuwapa wachuuzi wa mitaani maarifa muhimu juu ya Uzazi wa Ngono Afya, ikiwa ni pamoja na mada kama vile ukatili wa kijinsia (GBV), stadi za maisha, ujuzi wa kifedha, na ujuzi wa uongozi.

Wakati programu ikiendelea katika awamu ya pili, wachuuzi wa mitaani walipewa taarifa za kina na mwongozo wa kupata mikopo kutoka Mamlaka za Serikali za Mitaa (LGA) na katika kuweka muendelezo wa elimu hii, Kati ya wachuuzi 70 wa mitaani, 10 walichaguliwa na kuwezeshwa na maarifa muhimu ili kuwa Wakufunzi wa Wakufunzi (ToT) kwa lengo kuwawezesha kuongoza na kusaidia wengine kwa ufanisi katika shughuli zao za kila siku.

Afisa Maendeleo ya Vijana Kutoka Ofisi ya Waziri Mkuu kazi Vijana Ajira na Wenye Ulemavu Bi. Amina Sanga akimkabidhi Mkurugenzi Mtendaji wa Mulika Tanzania Bw. Hussein Melele nakala ya sera ya maendeleo ya vijana (2007) inayotumika sasa

Picha ya pamoja

Read More

Makamu wa Pili wa Rais wa Zanzibar Balozi Seif Ali Iddi akivishwa Skafu na Vijana wa Chipukizi kabla ya kuyafunga matembelezi wa UVCCM yaliyohitimishwa hapo Afisi Kuu ya CCM Kisiwandui Mjini Zanzibar.

Vijana wa UVCCM wapatao 400 wakihitimisha matembezi yao ya kuadhimisha miaka 53 ya Mapinduzi ya Zanzibar yaliyopokelewa na Makamu wa Pili wa Rais wa Zanzibar Balozi Seif Ali Iddi hayupo pichani.

Balozi Seif akipokea Picha ya Muasisi wa Mapinduzi ya Zanzibar Marehemu Mzee Abeid Aman Karume iliyotumiwa na Vijana hao katika matembezi yao.

Wa kwanza kutoka kulia ni Kaimu Katibu Mkuu wa Umoja wa Vijana wa CCM Tanzania Ndugu Shaka Hamdu Shaka NA Makamu Mwenyekiti wa Umoja huo Bibi Mboni Muhita.

Balozi Seif akipokea Picha ya Muasisi wa Muungano wa Tanganyka na Zanzibar Marehemu Mwalimu Julius K. Nyerere iliyotumika kwenye matembezi hayo.

Vijana wa UVCCM wakimkabidhi Bendere ya Zanzibar Balozi Seif waliyoitumia kama kielelezo kwenye matembezi yao ya kuunga mkono sherehe za kutimia miaka 53 ya Mapinduzi ya Zanzibar.

 Balozi Seif akipokea Bendere ya Serikali ya Jamuhuri ya Muungano wa Tanzania iliyotumiwa na Vijana hao kwenye matembezi yao tokea walipoanza juzi katika Kijiji cha Donge Mkoa wa Kaskazini Unaguja. Picha na –OMPR – ZNZ.

Makamu wa Pili wa Rais wa Zanzibar Balozi Seif Ali Iddi alisema Taifa linawategemea Vijana wakati wowote katika dhana nzima itakayothibitisha kwamba wanasimamia kwa vitendo Mapinduzi katika kuondoa maovu yote yanayolikabili Taifa.

Alisema Serikali zote mbili ile na Jamuhuri ya Muungano wa Tanzania na iIe ya Mapinduzi ya Zanzibar zinataka kuona Vijana wake wanakuwa chem chem ya Maendeleo badala ya kuwa dimbwi la matatizo mitaani.

Balozi Seif Ali Iddi alitoa kauli hiyo wakati akiyafunga Matembezi ya Umoja wa Vijana wa Chama cha Mapinduzi { UVCCM } kuunga mkono maadhimisho ya sherehe za kutimia miaka 53 ya Mapinduzi ya Zanzibar ya mwaka 1964 hapo Afisi Kuu ya CCM Kisiwandui Mjini Zanzibar.

Alisema Vijana ambao ndio warithi wa kulinda Mapinduzi ya Zanzibar dhana iliyoanzishwa na muasisi wa Mapinduzi hayo Mzee Abeid Amani Karume wana wajibu wa kusimamia vita vya mapambano dhidi ya matumizi ya dawa za kulevya, udhalilishaji wa wanawake na watoto, uonevu pamoja na ufisadi.

Balozi Seif alikariri maneno ya Marehemu Mzee Abeid Amani Karume yaliyoeleza maana halisi ya Mapinduzi daima ambayo sio kupindua watu bali ni kuondoa matendo mabaya katika jamii na kusimamia haki na mazuri yote.

Makamu wa Pili wa Rais wa Zanzibar alisema Serikali ya Mapinduzi ya Zanzibar itaendelea kuondoa matendo yote maovu ikiwemo uzembe, uonevu na ubaguzi mambo yanarejesha nyuma au kukwamisha juhudi za Taifa za kuleta Maendeleo ya Umma.

Alieleza faraja yake kuona ushiriki wa Vijana katika matembezi hayo ni mkubwa kiasi kwamba wanalidhihirishia Taifa na Viongozi wake jinsi gani walivyokomaa kisiasa pamoja na utayari wao unathibitisha kwamba wako imara kutetea kwa vitendo Mapinduzi ya Zanzibar yaliyoondoa madhila ya Kikoloni.

Akizungumzia changamoto kubwa zinazowakabili Vijana hasa ukosefu wa ajira ambalo limekuwa likizikumba nchi mbali mbali Duniani Balozi Seif alisema Takwimu za Kimataifa zinathibitisha wazi kwamba zaidi ya Vijana 73 Milioni wanakadiriwa kuwa hawana ajira.

Alisema kwa bahati mbaya mara nyingi changamoto hii ya ukosefu wa ajira kwa Vijana huhusishwa kuwa ndio chanzo cha vitendo viovu vinavyofanywa na Vijana katika Mataifa mbali mbali Duniani.

Balozi Seif alifahamisha kwamba Serikali ya Mapinduzi ya Zanzibar imeandaa Mipango imara ya kukabiliana na changamoto hiyo hali inayobainisha kuwa sio nzuri na jamii imekuwa ikishuhudia nafasi moja ya ajira nchini kugombewa na vijana zaidi ya 20.

Alisema miongozi mwa mipango hiyo ni kuongezwa kwa nafasi za mafunzo ya amali Nchini ambapo Vituo Vipya Viwili vya amali vinategemewa kujengwa huko Makunduchi Mkoa Kusini kwa upande wa Unguja na Mtambwe Mkoa wa Kaskazini kwa upande wa Pemba.

Balozi Seif alisema Vituo hivyo vitafanya idaidi ya vituo Vinne vya mafunzo ya Amali nchini vitakavyotegemewa kuchukuwa idadi kubwa ya Vijana katika kupata taaluma itayowasaidia kuwa na uwezo wa kujiajiri wao wenyewe hapo baadaye.

Makamu wa Pili wa Rais wa Zanzibar alielezea mpango mwengine wa uhakika uliobuniwa na Serikali wa kupambana na ukosefu wa ajira ni suala la kukuza uchumi kwa njia ya kukaribisha wawekezaji kwenye Sekta ya Utalii.

Alisema mradi mkubwa wa sekta ya Utalii unaotekelezwa na Kampuni ya Penny Royal wa Zanzibar Amber Resort wenye thamani ya Dola za Kimarekani Bilioni 1.6 wa ujenzi wa nyumba za wageni 1,900, viwanja vya michezo, uwanja wa ndege utatoa jira kubwa kwa Vijana.

Mapema akitoa taarifa ya matembezi hayo Kaimu Katibu Mkuu wa UVCCM Tanzania Ndugu Shaka Hamdu Shaka alisema Vijana wengi nchini huingia katika majaribu ya kudanganywa historia ya Zanzibar na kupelelekea kukejeli Mapinduzi ya Zanzibar ya Mwaka 1964.

Nd. Shaka alisema Mapinduzi ya Zanzibar yametandikwa kwa zulia la Umoja, Upendo na mshikamano chini ya majemadari waliofanya mapinduzi hayo ambao wanastahiki kuendelea kuenziwa na wananchi na Vijana wa kizazi cha sasa.

Alisema vilivyokuwa vikifanywa na watawala wa visiwa vya Zanzibar vilisababisha vitendo vya unyanyasaji, uonevu na madhila yaliyochangia kuwakosesha haki zao za msingi wakwezi na wakulima wa Visiwa hivyi yakiwemo masuala muhimu ya huduma za msingi kama afya, elimu na umiliki wa ardhi.

Akitoa salamu Waziri wa Nchi Ofisi ya Makamu wa Rais wa Jamuhuri ya Muungano wa Tanzania anyesimamia Mazingira na Muungano Mh. Januari Yussuf Makamba alisema Mapinduzi ya Zanzibar ni kielelezo tosha cha kujitambua kwa waafrika wa Visiwa vya Zanzibar.

Mh. Januari alisema Wakombozi wa Mapinduzi ya Visiwa vya Zanzibar wameacha urithi mkubwa kwa vijana wa Kizazi kipya unayostahiki kulindwa na kuendelezwa kwa faida na maslahi ya Wananchi wake.

Alisema njia pekee na sahihi ya kuendelea kuimarika kwa Muungano wa Tanganyika na Zanzibar ni kudumisha Mapinduzi ya Zanzibar kupitia njia ya kuipatia ushindi CCM katika chaguzi zote zinazoendelea kufanyika hapa Nchini.

Matembezi ya Umoja wa Vijana wa Chama cha Mapinduzi { UVCCM } kuadhimisha miaka 53 ya Mapinduzi ya Zanzibar yaliyoshirikisha Vijana 400 yameanza juzi katika Kijiji cha Donge Mkoa wa Kaskazini Unguja na kumalizikia Afisi Kuu ya CCM Kisiwanduzi.

Othman Khamis Ame 

 Ofisi ya Makamu wa Pili wa Rais wa Zanzibar 

 10/1/2017.

Read More

VIJANA WATAKIWA KUTUMIA FURSA ZILIZOPO KUJIAJIRI

Naibu Katibu Mkuu Wizara ya Elimu, Sayansi na Teknolojia na Mafunzo ya Ufundi, Dk Leornad Akwilapo amewataka vijana kutafuta ajira sehemu mbalimbali kwa kutumia fursa zilizopo badala ya kutegemea fursa za serikali.

Kauli hiyo ameitoa wakati akifungua warsha iliyoandaliwa na Shirika la Umoja wa Mataifa la Elimu, Sayansi na Utamaduni UNESCO, iliyolenga kuweka mkakati wa pamoja kati ya wadau wa elimu, serikali katika utekelezaji wa malengo ya maendeleo endelevu lengo la nne.

Alisema kwamba ni imani yake kwamba elimu waliyonayo vijana inawaruhusu kufanya shughuli mbalimbali ambazo si lazima kuajiriwa na serikali.

Alisema hakuna nchi duniani ambayo inaweza kuajiri kila mmoja lakini elimu zinazotolewa pamoja na ya Tanzania zinawaandaa vijana kujiajiri wenyewe.

Akizungumzia warsha hiyo alisema kwamba wadau wanakutana kutengeneza mkakati wa pamoja wa kutoa elimu bora kwa wananchi wa Tanzania na namna ambavyo malengo ya maendeleo endelevu (SDG’s) yanavyoshirikishwa katika utoaji elimu.

Naibu Katibu Mkuu Wizara ya Elimu, Sayansi na Teknolojia, Dkt. Leornad Akwilapo akifungua warsha ya kutengeneza mkakati mmoja kati ya serikali na wadau mbalimbali wa sekta ya elimu uliondaliwa na Shirika la Umoja wa Mataifa linaloshughulikia Elimu, Sayansi na Utamaduni (UNESCO) unaofanyika kwa siku mbili katika ukumbi wa NACTE jijini Dar es Saalam. 

Alisema lengo la nne la Maendeleo endelevu la Umoja wa Mataifa linasisitiza elimu bora isyokuwa ya kibaguzi kwa watu wote na hivyo mkutano wao ni kuangalia namna wanavyoweza kushirikiana kutoa elimu bora inayowezesha watu wake kujiajiri.

Alisema kwamba mtazamo huo ambao tayari Tanzania ilikuwa nao miaka ya mwanzo ya uhuru ambapo kulikuwa na kisoma cha watu wazima kitu ambacho kilillenga kuwafanya watu kuwa na elimu ya kutosha kuhusu mazingira yao na maisha yao. Naye Mkuu wa Ofisi na Mwakilishi wa UNESCO nchini Tanzania, Zulmira Rodrigues alisema kwamba wameandaa warsha hiyo kwa lengo la kuelezana utoaji bora wa elimu ambao utaendana na matakwa ya sasa ya kumwezesha anayepata elimu hiyo kujiajiri mwenyewe. Aidha amesema lengo la kushirikisha wadau wa elimu ni kuhakikisha kwamba lengo la maendeleo endelevu la nne la Umoja wa Mataifa linashirikishwa katika utoaji elimu kwani lengo hilo ni kuhakikisha elimu kwa wananchi wote bila ubaguzi huku hatua zikichukuliwa katika kuwezesha wanawake kusonga mbele. 

Mkuu wa Ofisi na Mwakilishi Shirika la Umoja wa Mataifa linaloshughulikia Elimu, Sayansi na Utamaduni (UNESCO) nchini, Zulmira Rodrigues akizungumza kuhusu lake lilivyojipanga kushirikiana na Serikali katika nyanja mbalimbali ya ukuzaji wa elimu haapa nchini.

Mkurugenzi Msaidizi wa Ufuatiliaji na Tathmini wa Wizara ya Elimu Sayansi na Teknolojia, Makuru Petro akiwasilisha mada wakati wa kongamano lililoshirikisha Serikali pamoja na wadau mbalimbali kujadili ni kwa jinsi gani wanatengeneza mkakati bora ili kuweza kuisaidia serikali kutoa elimu bora na bila ubaguzi wa aina yoyote.Afisa Elimu Mkuu Hilda K. Mkandawire kutoka Wizara ya Elimu, Sayansi, Teknolojia akiwasilisha mada wakati wa kongamano lililowakutanisha wadau mbalimbali wa elimu.Baadhi ya wadau mbalimbali wa sekta ya elimu wakifuatilia kwa makini mkutano uliokuwa unaendelea.Criana Connal kutoka UNESCO akizungumza jambo wakati wa warsha iliyowakutanisha wadau mbalimbali wa elimu ili kujadili mpango mkakati utakaosaidia kuinua kiwango cha elimu nchini Tanzania.Mwakilishi wa Shirika la Umoja wa Mataifa la Wanawake (UNWOMEN), Maria Karadenizli (kushoto) akizungumza jambo na Mkuu wa Ofisi na Mwakilishi wa Shirika la Umoja wa Mataifa linaloshughulikia Elimu, Sayansi na Utamaduni (UNESCO) nchini, Zulmira Rodrigues wakati wa kongamano lililowakutanisha wadau mbalimbali wa elimu.Mkutano ukiendelea.Baadhi ya makundi ya wadau wa sekta ya elimu wakijadiliana ili kutengeneza mpango mkakati wa pamoja kati ya serikali na wadau mbalimbali wa elimu utakaosaidia serikali kutoa elimu bila ubaguzi wa aina yoyote na kwa makundi yote ili kufanikisha lengo namba nne la Mpango wa maendeleo endelevu (SDG’s) linalohusu elimu bora kwa wote.

Read More

PROFESA BAREGU AONGOZA KONGAMANO LA VIJANA WA CHADEMA (BAVICHA) UKUMBI WA KARIMJEE JIJINI DAR

 

Mjumbe wa Kamati Kuu ya Chama cha Demokrasia na Maendeleo (Chadema), Profesa Mesigwa Baregu (kulia), akizungumza katika kongamano la Umoja wa Vijana wa Chadema (Bavicha), ikiwa ni maadhimisho ya siku ya vijana duniani lililofanyika Ukumbi wa Karimjee jijini Dar es Salaam leo mchana. Kushoto ni Mtoa mada katika kongamano hilo, David Kafulila.

 Mtoa mada katika kongamano hilo, David Kafulila akichangia mambo mbalimbali.

 Meza kuu katika kongamano hilo.

 Mkutano ukiendelea.

 Mada zikiendelea kutolewa.

 Wanahabari wakichukua taarifa mbalimbali.

Usikivu ukiwa umetawala katika ukumbi huo.

(Imeandaliwa na mtandao wa www. habari za jamii.com 

Read More

ASASI YA FEDHA YAAMSHA FIKRA KWA VIJANA WA CHUO CHA KILIMANJARO ILI KUFIKIA UHURU WA KIPATO

Muanzilishi na Mkurugenzi mtendaji wa Asasi ya FEDHA Jafari Selemani akizungumzia changamoto za vijana na watanzania kwaujumla juu  ya kutokufikia Uhuru wa kifedha (financial freedom) ikiwemo ukosefu wa elimu ya usimamizi fedha binafsi ambapo inapelekea umasikini wa watanzania wengi, pia alitumia nafasi hiyo kuzindua progranu ya FEDHA KLABU ambayo itakayowapa fursa vijana kupata elimu ya udhibiti fedha binafsi buree kila jumamosi chuoni hapo.

Ni mshauri wa vijana pia ni Meneja Masoko wa Taasisi ya  FEDHA Abdalah Kipinga akiongea na wanafunzi wa chuo ch Kilimanjaro ambapo alizungumzia juu ya maisha ya wanavyuo na changamoto zake na jinsi ya kuzikabili.

Mhamasishaji wa vijana Elly David akizungumza na wanafunzi wa chuo cha Kilimanjaro (hawapo pichani)  ambapo alizungumza kuhusu siri ya mafanikio kwa vijana na kuwaasa kusimamia ndoto zao lkatika kongamano lililofanyika mwishoni wa wiki iliyopita chuoni hapo

Wanafunzi wa chuo cha kilimanjaro wakifurahia jambo wakati wa kongamano hilo lililowezeshwa na Taasisi ya Fedha mwsihoni wa wiki iliyopita

Baadhi ya  washiriki wa kongamano wakiwa katika picha ya pamoja na wawezeshaji katika kongamano hilo lilifnayika mwisho wa wiki iliyopita chuoni hapo Sinza Mapambano ,Jijini Dar es salaam.

Read More

HII HAPA RATIBA YA USAILI MAISHA PLUS EAST AFRICA 2016

Baada ya Usaili kufanyika kwa kishindo katika mikoa ya Mtwara na Dar es salaam usaili wa Maisha Plus unaendelea katika mikoa mingine ndani ya Tanzania. 

30/07/2016 - MBEYA - Ukumbi wa City Pub 

31/07/2016 - IRINGA - Savanna Garden 

02/08/2016 - DODOMA - Matei Lounge 

04/08/2016 - MWANZA - Rock Garden 

06/08/2016 - ARUSHA - Via Via

 13/08/2016 - ZANZIBAR - Ngome Kongwe 

Vijana wote wenye umri wa miaka 18 - 26 wanakaribishwa kujitokeza kwa wingi. Elimu na ujuzi ni kiwango chochote. Zawadi kwa mshindi ni Tzshs. Milioni 30. Fomu zinapatikana BURE kabisa kupitia www.maishaplus.tv na katika maeneo tajwa hapo juu. 

 Maisha Plus East Africa 2016 | #VijanaNdioNgazi #HapaKaziTu

   

 Bofya hapa chini kuona video 33 fupi za usaili wa Maisha Plus Dar es salaam.

Read More

VIJANA WASHAURIWA KUJIUNGA NA MASHIRIKA YA KUJITOLEA ILI WAJIONGEZEE UJUZI NA MAARIFA

 

Vijana nchini Tanzania wameshauriwa kuwa tayari kufanya kazi kwa kujitolea ili kujiongezea ujuzi, uwezo, maarifa na kuleta mabadiliko katika jamii zao,hayo yalielezwa na Meneja wa Maendeleo ya Vijana wa shirika la Raleigh Tanzania, Genos Martin wakati wa mahojiano maalum na mwandishi wa habari hii.

Martin alisema kuwa ni vyema kwa vijana kujiunga na mashirika ya kitaifa na ya kimataifa ya kujitolea kwani kwa kufanya hivyo kutawapa vijana fursa ya kuongeza ujuzi na maarifa ambao utawasaidia katika sehemu mbalimbali.

Martin alisema, “Kufanya kazi kwa kujitolea ni kitu kigeni nchini kwetu tofauti na Mataifa ya nchi zilizoendelea, watu waliowahi jitolea wanapewa kipaumbele kwenye maombi ya kazi tofauti na nchini kwetu. Hii inafanya kujitolea kuwa jambo la muhimu sana kwenye mataifa ya wenzetu”

“Vijana wengi wanalalamika kuwa nafasi nyingi za kazi zinawataka wawe na uzoefu wa miaka mitatu nakuendelea, hawajui ni vipi wanaweza kupata uzoefu lakini kama wakijiunga na haya mashirika ya kujitolea wanaweza pata huo uzoefu na kuwafanya wawe na nafasi nzuri pindi waombapo ajira” aliongezea Martin.

Aidha, Afisa Mawasiliano wa Raleigh Tanzania, Kennedy Mmari alieleza kuwa ni kawaida ya shirika hilo kutafuta vijana kutoka sehemu mbalimbali nchini ambao huungana na vijana wenzao kutoka mataifa ya mbali mbali ya Ulaya na Amerika.

Mmari aliongezea, “Raleigh tuna programu kwa vijana zinazohusu ujasiriamali, usafi, maji na utunzaji wa mazingira, kijana yeyote anaweza kujjiunga nasi na kufanya program zetu. Hatutoi malipo yoyote wala hawatulipi chochote isipokuwa tunagharamia mahitaji yao yote ya msingi pindi wakiwa kwenye programu”

Wanafunzi wa shule ya Msingi Chibe iliyopo kata ya Old Shinyanga mkoani Shinyanga wakishuhudia ufunguzi wa kituo cha elimu ya awali kilichojengwa na na vijana wa kujitolea kwa msaada wa shirika la Raleigh Tanzania.

Kwa upande wa vijana waliofanya programu na shirika hilo wameshukuru kwa nafasi waliyopewa kwani imewasaidia kupata ujuzi na ufahamu wa mambo tofauti ikiwemo jinsi ya kuandaa na kusiammia biashara.

Mmoja wa vijana ambao wamepata fursa hiyo, Sia Malamsha, alisema kuwa anajiona wa tofauti baada ya kumaliza programu, hakuwahi fikiria kama kuna watu Tanznaia hawana huduma za maji safi na salama lakini kupitia programu za Raleigh nimeweza fika kwenye jamii hizo na kuwasaidia kutatua matatizo hayo.

“Nimekuwa sehemu ya mabadiliko makubwa katika nchi yangu, najivunia kuona nimefanya kitu kuikomboa jamii ya Watanzania” aliongezea Bi. Malamsha.

Vijana wa Shirika la kujitolea la Raleigh wakishiriki ujenzi wa choo katika moja ya miradi yao

Naye kijana Ashiru Said aliyefanya programu ya ujasiriamali amesema kua programu za Raleigh zimemsaidia kupata elimu ya kusimamia na kuendesha biashara.

“Nimeweza kupata elimu ya ujasiriamali, baada ya kurudi nyumbani jamii imefaidika na elimu niliyoipata kwani nimeweza waelimisha vijana wenzangu jinsi ya kuanzisha na kusimamia biashara zao wenyewe” alimalizia Said.

Raleigh Tanzania ni shirika lisilo la kiserikali lenye ofisi zake mkoani Morogoro na kufanya programu za kujitolea kwa lengo la kuisaidia jamii ya Tanzania sehemu mbalimbali.

Read More