VIJANA WATAKIWA KUTUMIA FURSA ZILIZOPO KUJIAJIRI

Naibu Katibu Mkuu Wizara ya Elimu, Sayansi na Teknolojia na Mafunzo ya Ufundi, Dk Leornad Akwilapo amewataka vijana kutafuta ajira sehemu mbalimbali kwa kutumia fursa zilizopo badala ya kutegemea fursa za serikali.

Kauli hiyo ameitoa wakati akifungua warsha iliyoandaliwa na Shirika la Umoja wa Mataifa la Elimu, Sayansi na Utamaduni UNESCO, iliyolenga kuweka mkakati wa pamoja kati ya wadau wa elimu, serikali katika utekelezaji wa malengo ya maendeleo endelevu lengo la nne.

Alisema kwamba ni imani yake kwamba elimu waliyonayo vijana inawaruhusu kufanya shughuli mbalimbali ambazo si lazima kuajiriwa na serikali.

Alisema hakuna nchi duniani ambayo inaweza kuajiri kila mmoja lakini elimu zinazotolewa pamoja na ya Tanzania zinawaandaa vijana kujiajiri wenyewe.

Akizungumzia warsha hiyo alisema kwamba wadau wanakutana kutengeneza mkakati wa pamoja wa kutoa elimu bora kwa wananchi wa Tanzania na namna ambavyo malengo ya maendeleo endelevu (SDG’s) yanavyoshirikishwa katika utoaji elimu.

Naibu Katibu Mkuu Wizara ya Elimu, Sayansi na Teknolojia, Dkt. Leornad Akwilapo akifungua warsha ya kutengeneza mkakati mmoja kati ya serikali na wadau mbalimbali wa sekta ya elimu uliondaliwa na Shirika la Umoja wa Mataifa linaloshughulikia Elimu, Sayansi na Utamaduni (UNESCO) unaofanyika kwa siku mbili katika ukumbi wa NACTE jijini Dar es Saalam. 

Alisema lengo la nne la Maendeleo endelevu la Umoja wa Mataifa linasisitiza elimu bora isyokuwa ya kibaguzi kwa watu wote na hivyo mkutano wao ni kuangalia namna wanavyoweza kushirikiana kutoa elimu bora inayowezesha watu wake kujiajiri.

Alisema kwamba mtazamo huo ambao tayari Tanzania ilikuwa nao miaka ya mwanzo ya uhuru ambapo kulikuwa na kisoma cha watu wazima kitu ambacho kilillenga kuwafanya watu kuwa na elimu ya kutosha kuhusu mazingira yao na maisha yao. Naye Mkuu wa Ofisi na Mwakilishi wa UNESCO nchini Tanzania, Zulmira Rodrigues alisema kwamba wameandaa warsha hiyo kwa lengo la kuelezana utoaji bora wa elimu ambao utaendana na matakwa ya sasa ya kumwezesha anayepata elimu hiyo kujiajiri mwenyewe. Aidha amesema lengo la kushirikisha wadau wa elimu ni kuhakikisha kwamba lengo la maendeleo endelevu la nne la Umoja wa Mataifa linashirikishwa katika utoaji elimu kwani lengo hilo ni kuhakikisha elimu kwa wananchi wote bila ubaguzi huku hatua zikichukuliwa katika kuwezesha wanawake kusonga mbele. 

Mkuu wa Ofisi na Mwakilishi Shirika la Umoja wa Mataifa linaloshughulikia Elimu, Sayansi na Utamaduni (UNESCO) nchini, Zulmira Rodrigues akizungumza kuhusu lake lilivyojipanga kushirikiana na Serikali katika nyanja mbalimbali ya ukuzaji wa elimu haapa nchini.

Mkurugenzi Msaidizi wa Ufuatiliaji na Tathmini wa Wizara ya Elimu Sayansi na Teknolojia, Makuru Petro akiwasilisha mada wakati wa kongamano lililoshirikisha Serikali pamoja na wadau mbalimbali kujadili ni kwa jinsi gani wanatengeneza mkakati bora ili kuweza kuisaidia serikali kutoa elimu bora na bila ubaguzi wa aina yoyote.Afisa Elimu Mkuu Hilda K. Mkandawire kutoka Wizara ya Elimu, Sayansi, Teknolojia akiwasilisha mada wakati wa kongamano lililowakutanisha wadau mbalimbali wa elimu.Baadhi ya wadau mbalimbali wa sekta ya elimu wakifuatilia kwa makini mkutano uliokuwa unaendelea.Criana Connal kutoka UNESCO akizungumza jambo wakati wa warsha iliyowakutanisha wadau mbalimbali wa elimu ili kujadili mpango mkakati utakaosaidia kuinua kiwango cha elimu nchini Tanzania.Mwakilishi wa Shirika la Umoja wa Mataifa la Wanawake (UNWOMEN), Maria Karadenizli (kushoto) akizungumza jambo na Mkuu wa Ofisi na Mwakilishi wa Shirika la Umoja wa Mataifa linaloshughulikia Elimu, Sayansi na Utamaduni (UNESCO) nchini, Zulmira Rodrigues wakati wa kongamano lililowakutanisha wadau mbalimbali wa elimu.Mkutano ukiendelea.Baadhi ya makundi ya wadau wa sekta ya elimu wakijadiliana ili kutengeneza mpango mkakati wa pamoja kati ya serikali na wadau mbalimbali wa elimu utakaosaidia serikali kutoa elimu bila ubaguzi wa aina yoyote na kwa makundi yote ili kufanikisha lengo namba nne la Mpango wa maendeleo endelevu (SDG’s) linalohusu elimu bora kwa wote.

Read More

SERIKALI YABAINISHA ITATOA AJIRA MPYA 71,496

SERIKALI imeanza kuwashughulikia watumishi walionufaika na fedha za watumishi hewa ambapo hadi sasa watumishi 839 wapo katika hatua mbalimbali wakiwemo waliofikishwa Taasisi ya Kuzuia na Kupambana na Rushwa (Takukuru) na wengine wanaendelea kuhojiwa polisi kwa ajili ya kufikishwa mahakamani.

Sambamba na hilo, serikali inatarajia kutoa ajira mpya 71,496 kwa mwaka huu wa fedha baada ya kukamilisha uondoaji wa wafanyakazi hewa. 

Waziri wa Nchi, Ofisi ya Rais (Utumishi na Utawala Bora), Angella Kairuki aliyasema hayo wakati akizungumzia utekelezaji wa mipango na mikakati ya wizara yake katika kipindi cha ‘Tunatekeleza’ kinachorushwa na Shirika la Utangazaji Tanzania (TBC1). Kairuki alisema,

“Kwa sasa tayari wapo watumishi wameshahojiwa na kuchukuliwa maelezo yao polisi na upelelezi utakapokamilika watachukuliwa hatua mbalimbali za kisheria, ikiwemo kufikishwa mahakamani… Tunakamilisha ushahidi na tutawatangazia tutakapokamilisha,” alisema.

Alisema waligundua kwamba kuna maofisa utumishi na wahasibu ambao siyo waaminifu, badala yake walikuwa wakielekeza fedha kwa ndugu zao na miradi yao na wengine walishastaafu lakini bado majina yao yalikuwa yakiendelea kupokea mishahara wakati walitakiwa kuondolewa kwenye mfumo.

Alisema kwa kipindi cha Machi mosi hadi Agosti 20 mwaka huu, watumishi hewa waliogundulika ni zaidi ya 16,127 na kuisababishia serikali hasara ya mabilioni ya fedha. Kwa kipindi cha Agosti pekee watumishi hao hewa wangelipwa mishahara wangeisababishia serikali hasara ya zaidi ya Sh bilioni 16.

“Uhakiki huu ni endelevu na tumegundua changamoto kubwa katika usimamizi wa mishahara ni uadilifu kwa watu waliokasimiwa madaraka. Maofisa Utumishi, Maofisa Utawala na Wahasibu wamepewa madaraka lakini wengi wao siyo waaminifu, hivyo kwa sasa tumeweka uwajibikaji kwa waajiri,” alisema.

Aidha alisema wanaufanyia mfumo wao maboresho zaidi ili uweze kuchakata taarifa nyingi zaidi ambapo pia sekta ya mishahara imeshushwa katika ngazi za chini zaidi hasa katika sekta za elimu na afya ambazo zimekutwa na watumishi hewa wengi zaidi ili waweze kuwa na taarifa za mtumishi mmoja mmoja.

Alisema upo muongozo ambao fedha za serikali zinaporejeshwa zinapitia hazina na kusisitiza kwamba wataendelea kuhakikisha wanasimamia fedha zote ambazo zilichukuliwa serikalini kinyume na utaratibu na isivyo halali zinarudishwa kwa mfumo sahihi.

Pia alisema wameongeza kasi ili kuhakikisha kunakuwa na nidhamu ya kazi na uwajibikaji kwa watumishi wa umma, hivyo wanaanda mkataba wa utendaji kazi kwa watumishi wa umma na ikiwezekana utaanza kutumika mwaka ujao wa fedha.

Alisema serikali imefanya maboresho makubwa katika mishahara na motisha kwa ajili ya maslahi ya watumishi wa umma, sambamba na kuhimiza taasisi mbalimbali kuweka vitendea kazi ili kuwawezesha wafanyakazi kutekeleza majukumu yao ipasavyo.

Akizungumzia ajira hizo mpya Kairuki aliwatoa hofu watanzania waliokuwa wanatarajia ajira serikalini na kusisitiza kwamba walichokuwa wanasubiri ni takwimu halisi kwa taasisi ili kujua ni watumishi wangapi wameondolewa.

“Baada ya kukamilisha mchakato huo, hatua nyingine zitaendelea… Hii ni neema kwa waliomaliza vyuo, cha msingi wavute subira maana tutatoa ajira 71,496 kwa mwaka huu wa fedha na hatukuzifuta ajira. 

"Nawashauri vijana wasijiingize kwenye makundi yasiyofaa wasubiri ajira zinakuja,” alisema. 

Katika hatua nyingine, Kairuki alisema, wamepokea malalamiko zaidi ya 200 kutokana na ukiukwaji wa sheria ya maadili ya viongozi wa Utumishi wa Umma ambayo inamnyima mtumishi kutotumia madaraka yake vibaya.

“Katika malalamiko hayo 142 yanahusu sheria ya maadili. Sekretarieti ya Maadili imefanya uchunguzi wa awali na malalamiko 12 yataanza kufikishwa Baraza la Maadili na hatua mbalimbali zinaweza kuchukuliwa ikiwemo kushushwa vyeo au kuachishwa kazi,” alisema.

Pia aliwaagiza maofisa utumishi kuwahudumia watumishi na kuwapa haki zao ikiwemo kuwapandisha madaraja kwa wakati pale wanapostahili. Aidha Kairuki alikemea tabia ya baadhi ya watu kughushi taarifa za utumishi wa umma na kusisitiza kwamba jambo hilo ni kosa kubwa kwa yeyote anayefanya hivyo.

“Mtu yeyote ambaye anatoa nyaraka za serikali na siyo mlengwa au anayetoa nyaraka ambayo imewekewa zuio kwa mujibu wa sheria ni kosa la jinai na hatua kali za kisheria zitachukuliwa dhidi yake. Tunawasisitiza watumishi wa umma kuhakikisha wanazingatia sheria hizo na mwongozo wa utoaji nyaraka na kumbukumbu za taarifa za serikali,” alisema.

Read More

Mkurugenzi Mtendaji wa Chama cha Waajiri Tanzania (ATE), Dk. Aggrey Mlimuka (kushoto), akizungumza na waandishi wa habari jijini kuhusu tuzo za Mwajiri Bora 2016 zinazotarajiwa kutolewa mwezi Disemba mwaka huu. Hafla hiyo ilifanyika katika ofisi za ATE,jijini Dar es Salaam leo. Kulia ni Mkuu wa Masoko, Mawasiliano na Mradi, Joyce Nangai.

Mkuu wa Masoko, Mawasiliano na Mradi, wa Chama cha Waajiri Tanzania (ATE), Joyce Nangai (kushoto) akizungumza katika mkutano huo na waandishi wa habari jijini Dar es Salaam leo. Kushoto ni Mkurugenzi
Mtendaji wa ATE, Dk. Aggrey Mlimuka.

Baadhi ya waandishi wa habari wakirekodi wakati Mkurugenzi Mtendaji wa ATE, Dk Aggrey Mlimuka akizungumza nao kuhusu tuzo za mwaka huu za Waajiri Bora zinazotarajiwa kutolewa baadae mwaka huu.

Chama cha Waajiri Tanzania (ATE) leo kimezindua Tuzo ya Mwajiri Bora wa Mwaka 2016 kutambua Waajiri wenye misingi bora ya usimamizi wa nguvu kazi na rasilimali watu ili kuwawezesha kutimiza wajibu wao kwa ajili ya kuongeza uzalishaji kibiashara.

Akizungumza kwenye Mkutano na Waandishi wa Habari, Mkurugenzi Mtendaji wa ATE Dkt. Aggrey Mlimuka alisema kwamba lengo kuu la Tuzo ya Mwajiri Bora wa Mwaka ni kutambua wanachama wenye sera nzuri za usimamizi wa rasilimali watu.

Alisema kuwa kwa miaka kadhaa tuzo hiyo imesaidia kuhamasisha wanachama kujikita katika kushughulikia masuala ya ajira na usimamizi wa rasilimali watu kama msingi muhimu katika kumwezesha mwajiri kuwa na wafanyakazi wenye kukikidhi ushindani, wanaojituma na wenye furaha.

Aliongeza kuwa tuzo hiyo ilifuata mbinu za kisayansi na kitaalamu ili kuangalia umuhimu wa Rasilimali Watu katika makampuni ya kibiashara kuanzia makampuni makubwa kwa madogo na yale ya kati ili kuinua ujuzi na kuwa na wafanyakazi wenye kufanaya kazi kwa kujituma kama njia ya kutoa motisha kwa wafanyakazi ambao ndio msingi wa rasilimali watu.

Aliongeza kuwa EYA lilikuwa tukio muhimu linalofanywa na ATE kila mwisho wa mwaka tangu mwaka 2005. Alisema kuwa tuzo hiyo imekuwa maarufu hapa nchini katika muktadha wa biashara hasa kwa kuhamamasisha makampuni makubwa na madogo na ya ukubwa wa kati kuhusu umuhimu wa kuzingatia misingi bora ya kufanya biashara nchini.

Aliongeza kuwa tukio hilo la kutafuta mshindi limegawanyika katika makundi makuu mawili ambapo litaanza na kufanya utafiti kwa kutumia Mshauri Mwelekezi na hatua ya pili itakuwa ni hafla ya kutoa tuzo yenyewe kwa washindi ambalo litafanyika mwezi Desemba 2016.


“Tukio hili limegawanyika katika makundi mawili, ambapo hatua ya kwanza ni kufanya utafiti na hatua ya pili ni hafla ya kutoa tuzo kwa washindi,” alisema.

Aliwaomba pia Wanachama kushiriki kwa wingi ili kuweza kushindana na waajiri wengine kupitia shughuli wanazozifanya. Aliongeza kuwa kwa mwaka huu waajiri wataweza kujifunza kupitia kile kinachofanywa na makampuni mengine ili kuhakikisha wanakuwa na wafanyakazi wenye wanaojituma na wenye furaha katika kufanya kazi.

Dkt. Mlimuka alisema kuwa Tuzo ya Mwajiri Bora wa Mwaka 2016, ilikuwa ya 9 tangu kuanza kwake na kuaongeza kuwa tuzo hiyo kwa mwaka huu itakuwa ya tofauti kulinganisha na zile zilizotangulia kwa kuwa itahusisha tuzo nyingine mbili mpya mojawapo ikipima Ushiriki wa Wafanyakazi ili kujua ni kwa kiasi gani wafanyakazi wanajihusisha na kazi wanazofanya, wanajitoa kwa ajili ya waajiri wao, na kama wana bidii katika utendaji kazi wao.

Alisema kuwa tuzo nyingine mpya ilikuwa ikiangalia umuhimu wa Usimamizi wa Vipaji na Kuviendeleza na lengo lake ni kuyawezesha makampuni kuvutia, kutunza, kutoa motisha na kuendeleza majhitaji ya wafanya kazi kwa sasa na siku za usoni

“Tumeanzisha tuzo mbili mpya kwa mwaka huu ili kuwawezesha waajiri kuboresha mazingira ya biashara kuhakikisha wafanyakazi wao wanashiriki kikamilifu katka utendaji kazi na hivyo kumwezesha mwajiri kupata na kuvutia waafanyakazi wenye ujuzi stahiki kwa manufaa ya sasa na siku za usoni,” alisema Dkt. Mlimuka.

Alisema kuwa tuzo hiyo imekuwa ikijikita katika kuangalia maeneo muhimu ya kusimamia Rasilimali Watu kama vile Uongozi na Utawala, Usimamizi wa rasilimali watu, Kusaidia na Kuwajibika kwa Jamii, Ubora na Uzalishaji, Kushirikisha Watu Wenye Ulemavu na Kujali Wafanyakazi.

Akizungumzia kuhusu namana ya kushiriki katika tuzo hiyo, Dkt. Mlimuka alishauri wanachama kushiriki kwa kujaza dodoso kupitia njia mojawapo kati ya njia tatu ambazo ni kwa njia ya umeme (Electronically), kwa njia ya mtandao (Online), au kwa kuwasilisha dodoso zilizojazwa kwa mkono.

Alikumbusha kuwa wanachama wwanaopenda kushiriki dodoso kupitia anuani ya: www.eya2016.co.tz ili kushiriki katka tuzo hii muhimu sana. Alisema kuwa mwisho wa kujaza dodoso za ushiriki itatakuwa Ijumaa tarehe 30 Septemba 2016.

Mwaka jana Tuzo ya Mwajiri Bora wa Mwaka ilifanyika kwa mafanikio makubwa ambapo Mgeni Rasmi alikuwa Mhe. Kassim M. Majaliwa (MB) Waziri Mkuu wa Jamhuri ya Muungano wa Tanzania. Ushiriki uliongezeka kwa 100% kulinganisha na mwaka uliopita na kwa mwaka huu tunategemea idadi ya washiriki itaongezeka mara dufu.

Makampuni mengi yalishiriki katika tuzo hiyo na baadhi ya washiriki walishinda tuzo hiyo na kati ya washindi hao alikuwa Tanzania Brewies Ltd (TBL), CCBRT, Kilombero Sugar Company, Social Security Regulatory Authority, Yakubu & Associates Chambers, Total Tanzania Ltd, TIGO Tanzania, CRDB Bank Plc na Geita Gold Mine. Kwa taarifa zaidi kuhusu EYA iliyopita tembelea www.eya.oc.tz. Mwaka huu tunategemea kuwa wanachama wengi zaidi watashiriki na wanasubiri tuzo hii kwa shauku kubwa.

Read More

CHAMA CHA WAFANYAKAZI COTWU (T) KANDA YA DAR ES SALAAM CHAFANYA MKUTANO WAKE MKUU HOTELI YA VILA JIJINI DAR ES SALAAM LEO

Kaimu Mkurugenzi, Tume ya Usuluhishi na Uamuzi (CMA), Shanes Nungu (katikati), akihutubia wakati akifungua mkutano mkuu wa Chama cha Wafanyakazi wa Sekta ya Mawasiliano na Uchukuzi Tanzania COTWU (T), Kanda ya Dar es Salaam leo asubuhi. Kushoto ni Naibu Katibu Mkuu wa chama hicho, Mussa Mwakalinga na Mwenyekiti wa chama hicho Kanda ya Dar es Salaam, George Faustine.

Wanawake waliochaguliwa kushika nafasi mbalimbali katika chama hicho wakiwa katika picha ya pamoja.

Wanawake wajumbe wa chama hicho Kanda ya Dar es Salaam wakiwa katika picha ya pamoja kwenye mkutano huo.

Vigogo wa chama hicho wakiteta jambo kabla ya kuanza kwa mkutano huo. Kutoka kulia ni Mwenyekiti wa chama hicho Kanda ya Dar es Salaam, George Faustine, Katibu wa chama hicho Kanda ya Dar es Salaam, Elisa Luvigo na Naibu Katibu Mkuu wa chama hicho Kanda ya Dar es Salaam, Mussa Mwakalinga.

Wajumbe wakiwa kwenye mkutano huo.

Baadhi ya wajumbe wa Chama cha Wafanyakazi wa Sekta ya Mawasiliano na Uchukuzi Tanzania COTWU (T), Kanda ya Dar es Salaam wakiimba wimbo wa mshikamano katika mkutano mkuu wa chama hicho uliofanyika Dar es Salaam leo asubuhi.

Wajumbe wakionesha mshikamano wao wakati wakiimba wimbo maalumu wa mshikamano.

Katibu wa chama hicho Kanda ya Dar es Salaam, Elisa Luvigo akizungumza katika mkutano huo.

Makatibu wa matawi wa chama hicho wakiwa katika picha ya pamoja na mgeni rasmi, Kaimu  Mkurugenzi Mkuu wa Tume ya Usuluhishi na Uamuzi Tanzania (CMA), Shanes Nungu (wa tatu kushoto).

Mwenyekiti wa chama hicho Kanda ya Dar es Salaam, George Faustine (kulia), akizungumza wakati akimkaribisha mgeni rasmi.

(Imeandaliwa na mtandao wa www. habari za jamii.com-simu namba 0712-727062)

Read More

FURSA KWA WAHITIMU WA ELIMU YA JUU NCHINI KUPATA UJUZI WA KAZI (INTERNSHIP) KUTOKA UNIDO NA CHUO KIKUU CHA MZUMBE KAMPASI YA DAR ES SALAAM

.

Read More