KAMATI YA BAJETI KUFANYA MKUTANO WA WADAU WOTE WA MASUALA YA KODI

Kamati ya Kudumu ya Bunge ya Bajeti kwa mujibu wa Kanuni ya 118 ya Kanuni za Kudumu za Bunge,  Toleo la mwaka 2016, Nyongeza ya Nane, Sehemu ya Tatu  Kifungu cha 9, imepewa jukumu la kusikiliza maoni na mapendekezo ya wadau kuhusu Muswada wa Sheria ya Fedha kila mwaka.

Katika kutekeleza jukumu hilo, Kamati ya Bajeti imepanga kufanya Mkutano wa Wadau wote wa masuala ya kodi (Public Hearing) kwa ajili ya kusikiliza maoni yao na mapendekezo kuhusu Muswada wa Sheria ya Fedha ya mwaka 2016.

Mkutano huo umepangwa kufanyika siku ya Alhamisi Tarehe 16 Juni 2016 kuanzia Saa Tano asubuhi katika Ukumbi wa Pius Msekwa, Mkoani Dodoma.

 

Kwa kuzingatia umuhimu wa Muswada huo, Kamati inawaalika wadau wote kufika na kuwasilisha maoni yao kabla haujapelekwa katika hatua nyingine.

 Maoni ya wadau yanaweza pia kuwasilishwa kwa njia ya Posta au Barua pepe kwa anuani ifuatayo:

Katibu wa Bunge, 

Ofisi ya Bunge, 

S.L.P 941,

 DODOMA 

Barua pepe: cna@bunge.go.tz 

 

Imetolewa na,

Kitengo cha Habari, Elimu na Mawasiliano. Ofisi

Read More

TAREHE YA MWISHO YA KULIPA KODI YA MAPATO NA KODI YA ONGEZEKO LA THAMANI (VAT)

Walipakodi wote wanakumbushwa kuzingatia mwisho wa kulipa kodi ya Mapato na Kodi ya Ongezeko la Thamani (VAT) PASIPO ADHABU

1.O    ULIPAJI WA KODI YA MAPATO – MAKADIRIO YA AWALI

⦁    walipakodi wote ambao hesabu zao za mizania zinaishia tarehe 30/06/2016, wanapaswa kulipa sehemu ya nne ya makadirio ya awali ya mwaka 2016

⦁    walipakodi wote ambao hesabu zao za mizania zinaishia tarehe 30/09/2016, wanapaswa kulipa sehemu ya tatu ya makadirio ya awali ya mwaka 2016

⦁    walipakodi wote ambao hesabu zao za mizania zinaishia tarehe 30/12/2016, wanapaswa kulipa sehemu ya pili

⦁    walipakodi wote ambao hesabu zao za mizania zinaishia tarehe 31/03/2017, wanapaswa kulipa sehemu ya kwanza ya makadirio ya awali ya mwaka 2017

 

Tarehe za malipo kwa ufupi:

Tarehe ya mwisho wa mwaka wa Mahesabu    Awamu za Malipo    Tarehe ya Mwisho wa Malipo bila Adhabu

30/06/2016    Awamu ya nne ya mwaka wa Mapato 2016    30/06/2016

30/09/2016    Awamu ya tatu ya mwaka wa Mapato 2016    30/06/2016

31/12/2016    Awamu ya piliya mwaka wa Mapato 2016    30/06/2016

31/03/2017    Awamu ya kwanza ya mwaka wa Mapato 2017    30/06/2016

2.0    UWASILISHAJI WA RITANI ZA MAPATO KWA MWAKA 2016

Walipakodi wote ambao mwaka wao wa mapato uliisha tarehe 31/12/2015, wanatakiwa kuwasilisha ritani zao pamoja na hesabu zilizokaguliwa na kulipa kodi yote inayotakiwa mnamo au kabla ya tarehe 30/06/2016

3.0    UWASILISHAJI WA RITANI ZA VAT ZA MWEZI MEI 2016

Walipakodi wote ambao wamesajiliwa na Kodi ya Ongezeko la Thamani (VAT) wanatakiwa kuwasilisha ritani za mwezi mei 2016 na kulipa kodi inayotakiwa kabla ya tarehe 30/06/2016. Pia wale wote ambao hawakufanya biashara wanatakiwa kuwasilisha ritani zao zisizokuwa na malipo (NIL RETURN)

4.0    UTOAJI WA RISITI ZA KODI ZA KIELEKITRONIKI/ ANKARA YA KODI

Walipakodi wote waliosajiliwa na wasiosajiliwa kwenye kodi ya Ongezeko la Thamani wanakumbushwa Kutoa risiti za kodi za kielekitroniki/Ankara ya kodi kwa mauzo yote wanayofanya kulingana na fedha zilizopokelewa. Ni kinyume cha sheria kupokea malipo kwa kuuza Bidhaa au huduma bila Kutoa risiti ya kodi ya kielekitroniki/Ankara ya kodi

5.0    KUMBUKA

Riba na Adhabu itatozwa/itatolewa kwa Pointi ya Sarafu (Currency Points) kwa mlipakodi yeyote ambaye hatalipa kodi kwa muda unaotakiwa au atakayeshindwa kuwasilisha ritani kwa muda unaotakiwa kwa mujibu wa sheria.

Ili kuepuka  msongamano na usumbufu mwingine walipakodi wanashauriwa kutosubiri siku ya Mwisho. Tunashukuru kwa ushirikiano mzuri.

“Pamoja Tunajenga taifa letu”

Imetolewa na:

Idara ya Huduma na Elimu kwa mlipakodi

TRA Makao Makuu

S.L.P 11491

Dar es Salaam.

    Barua pepe:     huduma@tra.go.tz

Kituo cha Huduma

Simu bila Malipo

0800 780078

0800 750075

Read More